Adam le Iv bee ɛrɛ gbomiɔgɔ, sa pya nɛɛ bee kuī kpo a nyɔɔ kɛnɛkɛ̄. Sɔ̄ sɔ̄ etɛna, pio pya angɛl bee gbaaloo Setan lɛɛ bee kɛɛ̄.

Ba bee lu kɛnɛkɛ̄ sa yaa namloo nɛɛ lokwa ba dap ii pya miɔŋɔ nɛɛwa. Pya lo nɛɛwa bee maɛ̄ pya keebee miɔŋɔ nɛɛdam alu lumii sa ɛrɛ ekpo.

Pya nɛɛ a doo pɔrɔ dogo bee mma bu nyɔuwe. Kpa Baɛbɛl kɔ: “bag dogo nɛɛ kuikpo bu nyɔuwe, a muɛnage kɔ dɛ̄dɛɛ̄ bura le ɛrɛgeba ekɛɛrɛ ye benyiɛ bee le aba pɔrɔ nu dɛ̄dɛɛ̄ dee.”

Noa bee le nɛɛ kaana dogo. Jɛhova bee kɔ nɛ Noa kɔ A gaa le gbeesī pya bag dogo tɛmalo ziī gbɛnɛ yii maa.

Bari bee kɔnage nɛ Noa kɔ a ka ziī gbɛnɛka ekpo, alu ekue fah, sa a su pya ye butɔ yere bu le dɛ̄dɛɛ̄ kera-kera bee nam.

Noa bee zuurabahtɔ̄ pya nɛɛ kiiloo lo Yii Maa lo a gaa bee lu, mɛ ba naa bee gbaɛ̄tɔ̄loo. Pio aba bee kɛgɛ Noa; pya lo dɔɔna bee ye baaloo.

Sɔ̄ ae lua eka fah a sah, Noa bee su pya nam a yere bu.