Lo i gbī e ɛɛrɛ bu Jɛhova, i ɛrɛ e gbaɛ̄nage tɔ̄loo lo dɔɔna gbɛnɛka nɛɛ. Nyɔɔnyɔɔ sɔ̄ lɛɛ a gae bee dɛm Adam, Jɛhova e bee dɛm ziī gbɛnɛ nɛɛ ale bu edɔɔ̄ li bunyɔɔ.

Sɔ sɔ gaa kii ge sī, Jɛhova bee yere lo nɛɛ ama kɔ a mɛā li Bethlehem nɛ zii nwī-emuā-a-sii-nɛɛ a kura Meri. Lo nwī bee lu ekue ye bee Jisus.—Jɔn 6:38.

Sɔ̄ a bee le nɛɛ a kɛnɛkɛ̄, Jisus bee tɔgɛ pya elap dogo Bari bu sidee a mma. A bee lu fɛgɛ, wereloo nɛɛ sa dap lu eyii ye loo. Anaa bee ɛrɛ lɔgɔ aabɔɔ lo e tɔgɛ pya dɔɔna kaka ue a kiiloo Jɛhova.

Jisus bee bonage pya loo dumɛ sa lɛɛ pio pya a bee u kɛ̄ bu luh.

Pya zaāsī tɔbari bee baaloo Jisus, nyɔnɛbee a bee kɔ nu a kiiloo wa ekwɔ tɔgɛnu le pɔrɔ dogo siā pie nɛ pya nɛɛ.

Pya zaāsī tɔbari bee zū pya Rom kɔ ba a zip Jisus sa ye fɛ.