KƐ̄ DOO PIE LOO PYA NU BUGIA DUMƐ Soosoo suā kɔ kɛ̄ dooa pie loo ama le nɛ ABA PYA NU BUGIA DUMƐ.

KƐ̄ ƐŊƐTƐ̄ Soosoo kɛɛrɛbu pya dɔɔ̄na. Nyɛŋiabu kɔ, kɛ̄ ɛŋɛtɛ̄ dap lu ekpooge sɛɛ aba pya o butɔ le pya bui bee gbaa aa be, pya ba a nyɔɔnɛ tɔɔ̄ aba tɔ, ale pya o gaa nyɔɔnɛ nɔ Baibol. Soosoo, o aa sere nu nyɔɔ kɛ̄ e ɛŋɛtɛ̄ oo gaa sɛɛ nɛɛ.

LƐRA NU Le epoo kpugi bee lu esu daānu, lo e ɛrɛ te ɛŋɛtɛ̄ nyɔɔ, nu kɔ ue tɛ̄mabu, nu ɛp vidio bu, le gbɛnɛ-edo pya dɔɔ̄na esiatam a doo kɔ si kɔnvɛnsɔn ama a kpe i loo sa i agɛrɛbah zuura warɛloo Jɛhova. Oloo lɛra nu aābu o beenyiɛ yerebah lo ekpɛ pya kpugi elua esu daānu ama, sa a yere nage kpotɛ̄ tam bu dɛ̄dɛɛ̄ nyɔuwe. Lo edoo kɔ a waɛ a loo, pya ekpo lɛra nu tɛrɛ bu alu e’ɛm nu loo leere lu eseege tɛ̄ma ɛŋɛnɛ kɛ̄ bu be i le ama. Dɛ̄dɛɛ̄ lɛra nu o doo lu etɔgɛ nia loo. Eku A Baɛbee doo a yaa loo o yaari bah lɛra nu yeā kpotɛ̄ tam Buɛ̄-mɛnɛ.

LIAMAĀ Te pya eliamaā e ɛŋɛtɛ̄ nyɔɔ elu esere deesī kɛ̄ kɔ ue aā bu tɔ alu etɔɔ̄, etaage bee alu enyaāna, pya eliamaā a ɛŋɛtɛ̄ akɛāma lɛɛ ekɔaue nyɔɔ liamaā gae bɔātɛ̄ lɔɔrɛ dee Nwīpinikaɛ. Ziī ziī aba a aara ebakaɛ̄ le nu yaa liā maā a bɔloo.

NU A PE SA ALU EMUƐ̄ Dɛ̄dɛɛ̄ nu alu egbī muɛ̄ alu eture tɔtam Nu A Pe sa Alu Emuɛ̄. Lo ziī o nu pe si lo kɛ̄ sa nyɛŋɛnɛ loo olo. Miɔŋɔ a kiā pe aaloo wa nɛɛ a lu eture lo tɔtam. Kerewo, lokwa pya tɛ le ka le pya a si tam be tam ama naa bia loo gbī nwiī a bee pe, Soosoo kuūdɛɛ̄ loo pya o miɔŋɔ, su wa seea kpaɛ̄ a.

PYA BUŪ NƐƐ Lu ekɔ nɛ pya buū nɛɛ kɔ ba a yerebah a nɛ. Soosoo, gba wa bee bah mmɛɛ̄ tɛ̄maloo edoo nu ba kɔ kiiloo kɛ̄ o sere nu, baɛloo pya nɛɛ, kpooge kɛ̄ ɛŋɛtɛ̄ le pya dɔɔ̄na nu.

SU LOO NƐ ESIATAM Lo o gbī eyerebah lo esitam bu kɔnvɛnsɔn ama, soosoo doo kɔ Tɔtam Ɛrɛ Ue Aā le Su Loo Nɛ Esia Tam a suā.

TƆKPA PYA ZUE UE BUƐ̄-MƐNƐ Pya nɛɛ sɛmdee ba elua 23 mmɛ 65 zua, ba ɛrɛ taɛ lo enyimɛ wa esiatam lu ekue wa kɔ ba a si zɔzɔŋia a le nɛ pya a gbī esi Tɔkpa Pya Zue Ue Buɛ-mɛnɛ li Sɔɔ̄pie Deekaɛ. Taɛ kɛ̄ zɔzɔŋia ama esudɔ le sɔ̄, elu ekɔ siā.