KAƐ KWAKƐ̄ ELE: Pya sɔ̄ a le bu nwītɛm le nɛ pya kɔnvɛnsɔn esudɔ kaɛ kwakɛ̄ ele ye Dee Nwīpinikaɛ. Kiiloo ɛrɛgebah kaɛ kwakɛ̄ ele ye Dee Nwīpinikaɛ doowo, kɔ ue lɛabah nɛ ziī a kɔ, “Su Le Yereue Beā-eebah Pɔrɔ Yereue,” lo a le yɛɛ pya ekɔaue a le sɔɔ̄pie Dee Nwīpinikaɛ elua esu ture lɔɔrɛ O’oo Deelookaɛ.

KƐ̄ DOO PIE LOO PYA NU BUGIA DUMƐ Soosoo suā kɔ kɛ̄ dooa pie loo ama le nɛ aba pya nu bugia dumɛ.

KƐ̄ EŊƐTƐ̄ Soosoo kɛɛrɛbu pya dɔɔ̄na. Nyɛŋiabu kɔ, kɛ̄ ɛŋɛtɛ̄ dap lu ekpooge sɛɛ aba pya o butɔ le pya bui bee gbaa aabe, pya ba a nyɔɔnɛ tɔɔ̄ aba tɔ, ale pya o gaa nyɔɔnɛ nɔ Baibol. Soosoo, o aa sere nu nyɔɔ te ɛŋɛtɛ̄ nyɔɔ lo oo aa sɛɛ nɛɛ.

LƐRA NU Lo edoo kɔ kɔnvɛnsɔn ama a kpe i loo sa i yerebah nɛ kɔ i tɔɔ̄ waɛloo Jɛhova eekɛ̄ i wee doo, ebee lu esu gbɛnɛkpo kpugi daānu kiiloo te ɛŋɛtɛ̄ nyɔɔ, nu kɔ ue tɛ̄mabu, nu ɛma vidio, le gbɛnɛ-edo pya dɔɔ̄na nu. O lɛra nu aābu o beenyiɛ eyerebah lo ekpɛ pya kpugi elua esu daānu ama, sa a yerenage kpotɛ̄ tam Buɛ̄-mɛnɛ tɛɛ̄ ɛŋɛnɛ nyɔuwe. Lo edoo kɔ a waɛ a loo, elua esere pya ekpo lɛra nu tɛrɛbu alu e’ɛm nu loo leere tɛ̄ma ɛŋɛnɛ tɔ i le ama. Kerewo, lo a waɛ, soosoo lɛra nu tɛ̄ma nyɔɔ intanɛt tɛ̄maloo esi i dɔ intanɛt donate.pr418.com. Alu etɔgɛ nia loo dɛ̄dɛɛ̄ nu o tura lɛabah kaāna. Eku A Baɛbee doo i yaa loo kɛ̄ bui gaa dɔɔ̄nu yaaribah doo tɛ̄maloo etura nu lɛabah lo eyerekpotɛ̄ tam Buɛ̄-mɛnɛ.

LIAMAĀ Te pya eliamaā e’ɛŋɛtɛ̄ nyɔɔ elu esere deesī kɛ̄ kɔ ue aā bu tɔ ama, etaāge bee alu enyaāna. Pya eliamaā a ɛŋɛtɛ̄ akɛāma lɛɛ ekɔaue liamaā gae bɔātɛ̄ lɔɔrɛ Dee Nwīpinikaɛ. Ziī ziī aba a aara ebakaɛ̄ le nu ba eyaa sɔ̄ ba eliamaā, lo a bɔloo.

NU A PE SA ALU EMUƐ Dɛ̄dɛɛ̄ nu alu egbī muɛ alu eture Tɔtam Nu A Pe Sa Alu Emuɛ. Lo ziī o nu bee pe, si lo kɛ̄ sa nyɛŋɛnɛ loo olo. Pya nwiī a kiāpe aaloo wa nɛɛ alu esu wa ture lo tɔtam. Kerewo, lokwa pya tɛ le ka le pya a sitam betam ama naa bialoo gbī pya nwiī a bee pe, soosoo kuūdɛɛ̄loo pya o miɔŋɔ, sa muɛ kɔ ba le a kpaɛ̄.

PYA BUŪ NƐƐ Lu ekɔ nɛ pya buū nɛɛ kɔ ba a yerebah a nɛ. Soosoo, gba wa bee bah kaāna tɛ̄maloo edoo nu ba kɔ kiiloo kɛ̄ o sere nu, kɛ̄ o tɛɛ̄, kpooge kɛ̄ ɛŋɛtɛ̄ le pya dɔɔ̄na nu.

SU LOO NƐ ESIATAM Lo o gbī eyerebah lo esitam bu kɔnvɛnsɔn ama, soosoo doo kɔ Tɔtam Ɛrɛ Ue Aā le Su Loo Nɛ Esiatam a suā.