Ɔɔyaa loe buū nwīekpo kpa ama leere, loe suā loo Pya Ekeebee Jɛhova leere, loe nɔ̄ nu akiiloo i esiatam sa muɛ̄ i bɔ̄ŋanaloo a gaa kiisī bu esiatam. I ɛrɛ bɛābu kɔ lo ama edap a yerebah nɛ̄ loe suā I loo doodoo pya a gaa doo nu Jɛhova gbī anii’ee. I yere a mɛm loo kɔ o kiisī loe nɔ̄ nu akiiloo Bari, loe kɔ nɛ̄ pya o tɔ le pya o gbo nu akiiloo pya nu o gaa nɔ̄ le loe gbaa i loo dɛ̄dɛɛ̄ sɔ̄ bu i enɔānu pya Nɛɛ̄ Kraist.—Pya Hibru 10:23-25.

O gaa le gbī muɛ̄ kɔ kɛ̄ o kiisī loe nɔ̄ nu akiiloo Jɛhova doo, kɛ̄ o gaa le muɛ̄ nage kɛ̄ alɛ a wereloo kaānā doolo. Lo ama ezū a kɔ o doo dɛ̄dɛɛ̄ nu o dap doo loe were nage loo alɛ. (1 Jɔn 4:8-10, 19) Mɛ, o dap tɔgɛ wereloo o ɛrɛ kumaloo Bari bu o tɔɔ̄dum ziī ziī dee doodoo wa ni? Ena anuā doo pya nu Bari gbī edɔbiī anɛ̄ ani? Ena a gaa le yerebah anɛ̄ kɔ a taɛ a loe nyɔnɛ i doo nu Bari gbī a? Eniā nɛɛ̄ awee a tɔgɛ Baibol loe nyɔnɛ a gbītɛ̄ ture pya ebip ama lokwa olo le pya o tɔ dap ‘sere bui loo bu wereloo Bari sa tɔɔ̄baɛ dum anaatah.’—Jud 21.

I yere a mɛm loo kɔ o kiisī bu kaka ue Baibol tɛmaloo enɔ̄ loe kpo kpa alu etɔgɛ kɛɛ̄ ama . . .