Dɛ̄dɛɛ̄ Tɔ Nɔ̄nu Buɛ̄-mɛnɛ Pya Ekeebee Jɛhova lu ekue bee Bari ale kaɛ loo. Nyɔwo, i bura kɔ loe ɛrɛ bah bu sesere lo tɔ nuā ɛɛ, sere ye kpeedɛɛ̄, sa kwa kɛ̄ a gbe ale loo lu nu ka inɛ̄ le ziī gbɛnɛ gah loo i taāŋaba Bari ale kaɛ. Dɛ̄dɛɛ̄ nɛɛ̄ dap ɛrɛ bah bu.

Su loo nɛ̄ sɔ̄ enɔānu ekpana loe kwa kɛ̄. Sɔ̄ ziī ziī enɔānu e’ina kuma, pya wuga nɛɛ̄dam le nɛɛ̄wa wee doo ewɛpbah kwa kɛ̄ bu ɛɛbu lo edoo kɔ Tɔ Nɔ̄nu Buɛ̄-mɛnɛ a ɛɛ. Ziī sɔ̄ bu ziī kaɛ, kwa kɛ̄ kiiloo gbɛnɛkpo nu wee lu edoo. Ziī nɛɛ̄ kanɛɛ̄ ale nɛɛ̄ yerebah tam wee baɛbee lo tam, awee nyɔnɛ pya nu edoo alu e’ɛm sere. Dɛɛa nyɔɔ ebɛɛ̄ ale kɛ̄, ziī ziī nɛɛ̄ wee su loo nɛ̄ loe kpaɛ kɛ̄, siŋ kɛ̄ tɔ, log nwībū, siŋ tɔ̄ lɛɛ loo nu, sere kasi nyɔɔ etaā, log tɔ maā, tɔ mānī, le tɔ si bu uwe, top ekpaɛ kɛ̄ bie, lɛɛ tɔ laa, kpɔ ebie, kwa loo flawa, kpaɛ dɛ̄dɛɛ̄ bu lo gɔh sa doo kɔ a ɛɛ. Nuā naa kii kɛ̄ ee ziī sɔ̄ bu ziī zua, wee lue esere ziī dee esi gbɛnɛ tam kwa kɛ̄. Dodoo kɔ pya i miɔ̄ŋɔ a ɛrɛ ba bu pio tam, i tɔgɛ wa kɔ ba anɛ̄ enwadɛɛ̄ i kɛ̄ taāŋaba.—Eklisiastis 5:1.

Yerebah loe kwa ɛrɛgeba nu a gbe. Dɛ̄dɛɛ̄ zua, kaānā ɛ’ɛp kɛ̄ wee lu edoo loo i Tɔ Nɔ̄nu Buɛ̄-mɛnɛ aābu mmɛ ee. Dɛɛa nyɔɔ kpɛa lo ɛp kɛ̄, kwa nu leere wee lu edoo sa sere dɛ̄dɛɛ̄ nu kɛ̄ a bɔloo doo loo lo tɔ loa yerebah kɔ aa lu ekpɛ gbɛnɛ kpugi sɔ̄ nu gbe gbɛnɛ. (2 Nu A Bee Lu Edoo 24:13; 34:10) Tɔ Nɔ̄nu Buɛ̄-mɛnɛ a ɔ̄ŋiā loo sa lu ekwa loo leere lu kɛ̄ a bɔloo e taāŋaba ilii Bari. Tɛmaloo e ɛrɛ bah bu esiatam ama i tɔgɛ siā kɔ i wereloo Jɛhova sa i kɛ̄ taāŋaba kuī i loo gbɛnɛ. (Le-yɔɔ 122:1) Kɛ̄ alu ekwa Tɔ Nɔ̄nu Buɛ̄-mɛnɛ doo doo nage kɔ buɛ̄ i tɔɔ̄ a tɔgɛ niā i kumaloo.—2 Pya Kɔrint 6:3.

• Ena anuā ii lee ɛp i kɛ̄ taāŋaba tɛrɛ a?

• Pya amunu nɔɔ̄nu na awee lu edoo lo ekwa i Tɔ Nɔ̄nu Buɛ̄-mɛnɛ ɛɛrɛ a?