Gbɛnɛ-edo sɔ̄ lo bee “nɛɛ̄ sɛmdee” nu a kura na nɛɛ̄ a dasī kpaānā dee nɛ̄ pya dɔɔ̄na kɔ ba a tɛɛ̄. Jizɔs bee le doodoo nɛɛ̄ sɛmdee sɔ̄ a bee lu eyere ye nuā a kɛnɛkɛ̄ kɔ a sitam anɛ̄ dum sa kpaānā dee kpɔā nɛ̄ pya nɛɛ̄. (Matiu 20:28) Nii’ee pya a ye nyɔnɛ dumɛ̄ nɔ̄ ye edoba tɛmaloo su gbɛnɛ-edo sɔ̄ yere bu esiatam zue ue sa ‘doo kɔ pya nɛɛ̄ a nyɔnɛ ye dumɛ̄.’ (Matiu 28:19, 20) Pio nɛɛ̄ e yira bu esiatam i kue tam sɛmdee.

Nɛɛ̄ sɛmdee lu nɛɛ̄ asu gbɛnɛ-edo sɔ̄ yere bu tam zue ue. Dɛ̄dɛɛ̄ Pya Ekeebee Jɛhova lu pya zue leyere ue. Kerewo, pio aba nɔɔ̄ wa dum loe sitam doodoo pya sɛmdee dɛ̄dɛɛ̄ sɔ̄ sa su 70 awa zuema ue bu ziī ziī enɔɔ̄. Loe doowo gbɛnɛ-edo aba su nwīgbagbara sɔ̄ siā tam gbora. Pya dɔɔ̄na lue sagɛ loe sitam doodoo pya sɛmdee alu keebee bu pya kɛ̄ gbɛnɛ ebɛɛ̄ pya zue leyere ue Buɛ̄-mɛnɛ le, ba su 130 awa ale nu a yeewo zuema ue bu ziī ziī enɔɔ̄. Pya sɛmdee lu pya nɛɛ̄ nu ba ɛrɛ wa gbɔɛ̄loo sa ba tɔɔ̄dum a kuūnadɛɛ̄, dɛrɛ nyiɛ nyɔɔ Jɛhova kɔ enɛ̄ e wa, wa ebɛɛ̄ bu dum. (Matiu 6:31-33; 1 Timɔti 6:6-8) Pya ba naa dap sitam doodoo pya sɛmdee mmɛɛ̄ dap sitam doodoo pya sɛmdee nwīkere sɔ̄, sɔ̄ ba dap, loe nyimɛ wa sɔ̄ bu tam zue ue mmɛ 30 ale 50 awa bu ziī ziī enɔɔ̄.

Nɛɛ̄ sɛmdee lu ezū ye tɛmaloo wereloo a ɛrɛ loo Bari le pya nɛɛ̄. Doodoo Jizɔs, i gbī muɛ̄ kɔ alu gbaragbara kɔ pya nɛɛ̄ asuā loo Bari le ye bura. (Maak 6:34) E ili ɛrɛ suānu loe dap wa yerebah nɛ̄ a nyawo, sa wa nɛ̄ kaānā bɛābu kiiloo deesī. Wereloo kiiloo pya nɛɛ̄ zū nɛɛ̄ sɛmdee kɔ asu ye sɔ̄ le mɛm wa yɛabah nɛ̄ kɔ ba asuā leyere ue. (Matiu 22:39; 1 Pya Tɛsalɔnaika 2:8) Sɔ̄ nɛɛ̄ sɛmdee doowo, ye yira agaloo, alɛ zuua waɛloo Bari sa ɛrɛ gbɛnɛ ɛɛbu.—Doonu 20:35.

• O kɔ mɛɛ̄ na nɛɛ̄ sɛmdee ani?

• Ena a zū pio nɛɛ̄ kɔ ba a sitam bu mmɛɛ̄ sɔ̄ doodoo nɛɛ̄ sɛmdee ani?