I Tɛɛ Doodoo Wa Ɛrɛ Ɛɛbu Bu Dum Butɔ Ni?
O kɛɛrɛ kɔ etɛ̄maloo . . .
-
wereloo ni?
-
kpugi ni?
-
dɔɔ̄na nu ni?
NU BAIBOL KƆ
“Ɛɛbu ale nɛ pya a dā ue Bari sa ye sere!”—Luk 11:28, New World Translation.
NU LO AMA ADAP KURA NƐ
Ɛrɛ kaāna wereloo.—Pya Ɛfɛsɔs 5:28, 29.
Ɛrɛ kaāna enwādɛɛ̄.—Pya Ɛfɛsɔs 5:33.
Ɛrɛ kaāna kpoogaloo.—Maak 10:6-9.
I DAPGE YIGA KƆ NU BAIBOL KƆ AMA LU KAKA NI?
Aiī, a ɛrɛ baɛ nu anua i dap yiga:
-
Baibol kɔ “dɛ̄dɛɛ̄ . . . gah” tɛ̄ma aaloo Jɛhova Bari. (Ɛfɛsɔs 3:14, 15) Bu dɔɔ̄na sīdee, nɔɔ̄nu butɔ le, nyɔnɛbee Jɛhova na a bee ye sere a. Ena anua lo ama lu gbɛnɛ ani?
Naa kɛɛrɛ: Lo ale o gaa de ziī ekpe nuede sa o gbī esuā nu ba bumā, mɛɛ̄ na o bip ani? Bɔloo, lo ebip aāba taɛ nɛɛ abee bui.
Bu aba sīdee ama, lo esuā pya nu edoo kɔ butɔ a le bu ɛɛbu, elee kɔ i gbī aāba Jɛhova, nɛɛ butɔ tɛɛ̄ aaba.—Jɛnɛsis 2:18-24.
-
Bari kuū-a-dɛɛ loo. Pya butɔ a suānu gbī zuurabahtɔ a aabah Jɛhova, lo a nɛ bu ye Muɛ Ue. Ena anuā ani? “Nyɔnɛbee alɛ e’ɛp i.” (1 Pita 5:6, 7) Aābu ye beenyiɛ, Jɛhova suā nu elee a loo eera—esa ye zuurabahtɔ wee kiā leere!—Kam 3:5, 6; Aisaia 48:17, 18.
NAA KƐƐRƐ
O dap doodoo wa lu le dam, le wa ale le tɛ le ka ni?
Baibol ture lo ebip ama bu kpa PYA ƐFƐSƆS 5:1, 2 le PYA KƆLƆSI 3:18-21.