Naa ɛp nwīgbagbara nwiī ale bu foto ama. A le aba ɛɛ sa ɛrɛ bɔɔ. Naale wo ni? Ebee a tɔɔ̄ge loo doowo ziī sɔ̄ ni?— Wee tɔɔ̄ loo dɛ̄dɛɛ̄ nɛɛ̄ doowo ama pio sɔ̄. Kpa Baibol kɔ nu akiiloo pya gbo Jɛhova lo ba bee lenage aba aba sa ɛrɛ bɔɔ. Ziī aba bee le Elaija. Doo i naā nɔ̄ nu a ye kiiloo.

Elaija bee tɔɔ̄ bu buɛ̄ Izrɛl nyɔɔnyɔɔ sɔ̄ akii adumɛ, lɛɛ Jizɔs gae mɛ̄a. Ehab, mɛnɛbuɛ̄ Izrɛl, naa gaa bee taāŋaba kaka Bari, Jɛhova. Ehab le ye wa Jezibɛl gaa bee taāŋaba ekwɔ bari Beel. Nyɔwo, gbɛnɛ-edo pya nɛɛ̄ Izrɛl bee bɔātɛ̄ e taāŋaba Beel. Waa mɛnɛ Jezibɛl bee le nɛɛ̄ eaga nyiɛ sa bee gbī efɛ dɛ̄dɛɛ̄ pya abee taāŋaba Jɛhova, gbaānage loo Elaija! O suāge nu Elaija bee doo ni?—

Elaija bee teera aa! A bee teera kii ebinīkɛ̄ bu kposagara wii sa gɔā bu koro  dɛ̄m. O kɛɛrɛ kɔ ena anuā abee doo wo ani?— Aiī, bɔɔ bee ye aa. Mɛ Elaija naa le ebee ɛrɛ bɔɔ. Ena anuā ani? Nyɔnɛbee a bee suā kɔ Jɛhova dap ye yerebah nɛ. Jɛhova ebee tɔgɛ ye ekpo siā nɛ Elaija dɔɔ̄na sɔ̄. Ziī sɔ̄ akii adumɛ Jɛhova ebee agara kara Elaija tɛ̄maloo eyere miā aā bunyɔɔ nuā. Nyɔwo, bu kaka, Jɛhova dap nage yerebah nɛ Elaija alo sɔ̄ ama!

Sɔ̄ Elaija bee lege bu koro dɛm a, Jɛhova bee ye bip kɔ: “Ena o gaa doo akɛ̄ama?” Elaija ture ye nɛ kɔ: ‘Aba mda na m a taāŋaba. M le aba mm, e bɔɔ aa mɛ kɔ ba efɛ mɛ.’ Elaija bee kɛɛrɛ kɔ dɛ̄dɛɛ̄ pya dɔɔ̄na nɛɛ̄ a taāŋaba Jɛhova elua efɛ lɛɛ. Mɛ Jɛhova bee kɔ nɛ̄ Elaija: “Eeye, a naa lu kaka doowo. M ɛrɛge dɔɔ̄na 7,000 pya nɛɛ̄ a gaa mɛ taāŋaba. Ɛrɛ eaga loo. M ɛrɛ gbɛnɛkpo tam o si!’ O kɛɛrɛge kɔ bu Elaija bee ɛɛ loe dā doowo ni?—

Ena o dap nɔ̄ aāloo nu a bee sira loo Elaija ani?— Oa kɛɛrɛ lɔgɔ sɔ̄ kɔ o lee aba ɔɔ sa o ɛrɛ bɔɔ. O ɛrɛ pya gbo a wereloo Jɛhova sa a were nage loo. Lo dɔɔ̄na, Jɛhova ɛrɛ gbɛnɛ ekpo, ea gaa le yerebah anɛ̄ dɛ̄dɛɛ̄ sɔ̄! Bu a ɛɛge loe suā kɔ oo le aba ɔɔ lɔgɔ sɔ̄ ni?—