Doo i nɔ̄ nū akiiloo ziī nwiī zege nɛɛ̄dam loa bee kpɔā dum wuga ye ka. Wuga ka lo nwiī bee le nɛɛ̄ lɛɛratam Pɔɔl. Ii suā bee lo nwiī-nɛɛ̄dam, mɛ i suā kɔ abee tɔgɛ gbɛnɛ eagaloo. E nia ge a loe dā nu abee doo ni?—

Pɔɔl bee le tɔ-kpɔghɔrɔ li Jerusalɛm. A bee lu e’aa ye nyɔnɛbee a gaa bee zue nu akiiloo Jizɔs. Pio pya pɔrɔ nɛɛ̄ bee baaloo Pɔɔl, nyɔwo ba bee nɔɔ̄ pɔrɔ ye pima. Ba bee kɔ: ‘Dooraa i bara nɛɛ̄bee nɔ̄ kɔ a lɛɛra pya ye nɔ̄ kɔ ba asu Pɔɔl nuā tɔbiaɛ. Ili gaa le gɔā kpaɛ̄ dee, esɔ̄ Pɔɔl etɛɛ̄, l gaa le fɛ ye!’

Nwiī wuga nɛɛ̄wa Pɔɔl bee dā nu akiiloo lo nɔɔ̄nu. Ena edoo ani? Abee si tɔ-kpɔghɔrɔ sa kɔ lo ue nɛ̄ Pɔɔl. Aba lo sɔā, Pɔɔl bee ye kɔ nɛ̄ kɔ a kɔ nɛ̄ nɛɛ̄bee nɔ̄ nu akiiloo lo pɔrɔ nɔɔ̄nu. O kɛɛrɛge kɔ a bee waɛbah nwiī wuga Pɔɔl lo ekɔ lo ue nɛ̄ nɛɛ̄bee nɔ̄ ni?— Eeye, nyɔnɛbee lo nɛɛ̄bee nɔ̄ bee le gbɛnɛ nɛɛ̄. Mɛ nwiī wuga nɛɛ̄wa Pɔɔl a, bee ɛrɛ eagaloo ea bee kɔ ue nɛ̄ lo nɛɛ̄bee nɔ̄.

Lo nɛɛ̄bee nɔ̄ bee suā taɛ nu edoo. A bee su pya nɔ̄ wa buā waɛ loo 500 kɔ ba a baɛloo Pɔɔl! A bee wa kɔ nɛ̄ kɔ ba asu Pɔɔl kuma Sizaria taɛ lo uūnɛ. Ekɔ dum Pɔɔl bee luge ekpɔā ni?— Aiī, pya lo pɔrɔ nɛɛ̄ a, naa bee ye dap waɛ kunɛ loo! Wa pɔrɔ nɔɔ̄nu naa bee su dɔ.

Ena o dap nɔ̄ aāloo eloh ama ani?— O dap nage ɛrɛ eagaloo bee nwiī wuga nɛɛ̄wa Pɔɔl. Lu ebɛɛ̄ kɔ i ɛrɛ e’agaloo sɔ̄ i gaa kɔ nu akiiloo Jɛhova nɛ̄ pya dɔɔ̄na. O ɛrɛge e’agaloo sa kiisī loe kɔ nu akiiloo Jɛhova ni?— Lo o doowo, o dap kpɔā dum nɛɛ̄.