BƆĀTƐ̄ KƆNIA UE
3 NUENƆ
Fɛgɛ Dogo
Daakuu Baibol: “Wereloo . . . lu fɛgɛ.”—1 Kɔr 13:4.
Nu Jizɔs Bee Doo
1. Si ee lo VIDIO, ale o buū Jɔn 9:1-7. Lɛɛ o agara pya ebip a nyɔɔnɛ ama:
-
Tua ena Jizɔs bee doo a—bo lo nɛɛ zima dɛɛ̄ sɛh kɔ le yereue ye nɛ?—Buū Jɔn 9:35-38.
-
Bu mɛ sīdee na kɛ̄ Jizɔs kɔ ue doo bee doo kɔ lo gbara a dap gbaɛ̄tɔ̄loo le yereue kaāna a?
Ena I Nɔ Aāloo Jizɔs A?
2. Lo nɛɛ i gaa kɔ ue nɛ muɛ kɔ i kuūe ye dɛɛ̄ loo edoo kɔ a gbaɛ̄ i tɔ̄ loo kaāna.
Nɔ Jizɔs
3. Ɛrɛ toesaɛ̄ loo lo nɛɛ. Piiga lo esuā kɛ̄ nu ye tɔɔ̄loo doo.
-
Bip aba ɔɔ kɔ: ‘Ena a gaa ye taɛ̄ŋɛ a? Ena edap ye yerebah nɛ sa ye nia a?’ Dodoo wo eyerebah a nɛ kɔ o tɔgɛ fɛgɛ dogo ye kumaloo bu sīdee a lee sa bɔloo.
-
Tɔgɛ kɔ o kuūedɛɛ̄loo ziī ziī nɛɛ o gaa kɔ ue nɛ tɛ̄maloo egbaɛ̄ wa tɔ̄loo. Lo ziī nɛɛ kɔ taāŋa a gaa kpesī a nɛ ale kɛ̄ a gaa kɛɛrɛ nu doo, o aa bie lo ue kɔ dɔɔ̄na nu.
4. Kɔ ue bu fɛgɛ le bu enwadɛɛ̄. Lo o tɔgɛ fɛgɛ dogo loo lo nɛɛ sa gbī eyerebah ye nɛ, lo ama esira bu kɛ̄ o ye kɔ ue nɛ doo. Sagɛ pya ue o kɔ le kɛ̄ o sere muɛ̄ loo doo sa o aa kɔ nu eyere ye saŋ bu.
5. Kpɛ̄naloo eyerebah. Gbī pya sīdee o dap su yeābah nɛ lo nɛɛ lo edɔbiī ye nɛ. Tɔgɛ fɛgɛ dogo loo nɛɛ edoo kɔ a kpɛ̄naloo enyɔɔnɛ i kɔnia ue.
