KIĀ TURA
7 NUENƆ
Wee Piiga
Daakuu Baibol: ‘Ba naa biewo etɔgɛ nu sa zue ue.’—Doonu 5:42.
Nu Pɔɔl Bee Doo
1. Si ee lo VIDIO, ale o buū Doonu pya Nɛɛ lɛɛratam 19:8-10. Lɛɛ o agara pya ebip a nyɔɔnɛ ama:
Ena I Nɔ Aāloo Pɔɔl A?
2. Lu ebɛɛ̄ kɔ i nɔɔ sɔ̄ lokwa i dap obia si loo pya nɛɛ sa wa bɔātɛ̄ enyɔɔnɛ nɔ Baibol.
Nɔ Pɔɔl
3. Nɔɔ lo esī loo lo nɛɛ sɔ̄ e’ɛrɛ sɔ̄. Bip aba ɔɔ kɔ: ‘Mɛ sɔ̄ na m ye dap muɛ a? Mɛ sɔ̄ le mɛ kɛ̄ na m ye dap nyɔɔnɛ kɔnia ue a?’ Kpɛ̄naloo ekiā ye tura kere alu sɔ̄ a naa lee a loo.
4. Nyɔɔnɛ ye nɔɔ sɔ̄ o wee lu. Ziī ziī sɔ̄ bui kɔnia ue sah, nyɔɔnɛ ye kɔnia sɔ̄ e sikɛ̄ ɛrɛ sɔ̄. Muɛ kɔ o lu taɛ sɔ̄ bui bee nɔɔ.
5. Kiisī lo e’ɛrɛ bɛābu. O aa nwaabah biaɛ kɔ nɛɛ a naa aadee le tɔ ale nɛɛ a naa ɛrɛ sɔ̄ naa ɛrɛ taɛ. (1 Kɔr 13:4, 7) Taāwo, muɛ kɔ o gaa sunage o sɔ̄ daānu leere kere sɔ̄ o aa piiga a.—1 Kɔr 9:26.
