Sɔ̄ i gaa kpɛ̄naloo enɔnu, i dap bip i loo kɔ, ‘Ena m gaa le nɔ a?’ Kerewo, a bɔloo kɔ i nwaɛdɛɛ̄ lokwa nu i ɛmadɛɛ̄ naa zīmɛ i ekɛɛrɛ lɛɛloo nu Jɛhova gaa i tɔgɛ. Bu mɛ sīdee na i dap nɔ nu Jɛhova gaa i tɔgɛ a?

Yere kara bara suānu. Bara Jɛhova kɔ a yerebah a nɛ kɔ o dābeeloo nu a gbī kɔ o nɔ sɔ̄ o gaa nɔ nu. (Jem 1:5) O aa dɛɛa nyɔɔ aba nu o bee suā sɔ̄ akii adumɛ.—Kam 3:5, 6.

Lɛɛ bahloo ekpo a’aaloo Muɛ̄ Ue Bari kɔ a si a tam bu. “Ue Bari le dum.” (Hib 4:12) Nyɔɔwo, ziī ziī sɔ̄ i nɔ Baibol, a dap i tɔgɛ aā nu sa i yerebah nɛ bu keekee sīdee bu i dum. Mɛ e le doo wo lo a le i su nu Bari gaa i tɔgɛ.

Tɔgɛ nia loo dɛ̄dɛɛ̄ nu Jɛhova gaa i tɔgɛ. Ye nuede bu edɔɔ̄ le doodoo “gbɛnɛka nuede alu lɛk.” (Ais 25:6) O aa kīi lo ebuū pya ekobee ue o kɛɛrɛ kɔ a naale ekpealoo. Naale aba bee o ɛrɛ biī aāloo, mɛ bu kaka o ɛrɛ ɛɛbu aāloo nu Bari a nɛ!