Sɔ̄ i buū Baibol, i dap su keekee nu gbiātɛ̄ nu daānu lokwa i dābeeloo nu i buū leere. Kerewo, ii gbītɛ̄ nu aba lo esuā pio nu alu kaka. I gbī esuā pya lele elap dogo Jɛhova lo edoo kɔ i agɛrɛbah ye wereloo. Lo edoo wo, i dap bip i loo kɔ: ‘Ena dɔ Kpa Kaɛ m buū ama mɛ tɔgɛ akiiloo Jɛhova ani?’

I dap gbītɛ̄ nu a tɔgɛ pya elap dogo Jɛhova a kuī, lo a le wereloo, suānu, kaāna biaɛ, le ekpo. Kerewo, naale aba pya elap dogo ama na Jɛhova ɛrɛ a. A ɛrɛnage pya dɔɔ̄na dɔɔ̄na le elap dogo. Mɛ kɛ̄ na o muɛ pya dɔɔ̄na ue akiiloo pya ye elap dogo aā a?

Gbītɛ̄ nu a eeloo 50 pya dɔɔ̄na elap dogo bu Watch Tower Publications Index kɛɛ̄ ekobee ue a kura “Jehovah” lɛɛ o ɛp nwīgbagbara ekobee ue a kura “Qualities by Name.” Gbītɛ̄ loo lo a zɔ̄ŋia dɛɛ̄ nu dɔ Baibol o gaa buū kɔ nu akiiloo. (Lo alu kɔ aba Research Guide for Jehovah’s Witnesses na o dap ɛrɛ a, ɛp kɛɛ̄ ekobee ue a kura “Jehovah God” le nwīgbagbara ekobee ue a kura “Jehovah’s Qualities.”)