Sɔ̄ i buū Baibol, i dap gbī pya nu a kuī a le bu Baibol tɛ̄maloo egbītɛ̄ nu. Mɛ bu mɛ sīdee na i dap ɛrɛ biī aāloo bu mmɛɛ sīdee a?

Nɔ yereloo tɛ̄maloo egbītɛ̄ keekee nu akiiloo lo dɔ Baibol. Bu edobah, gbītɛ̄ nɛɛ a bee ɛm lo ue, pya a bee ɛm ma, le sɔ̄ a bee ɛm. Pya kɛ̄tɔɔ̄ a bee le sɔ̄ a bee ɛm, nu a bee sira lɛɛ a gae ɛm, le nu a bee sira sɔ̄ e’ɛma sah.

Kɛɛrɛbu nu o dap nɔ aāloo tɛ̄maloo egbītɛ̄ pya ebip a kɔ: ‘Nu bee tɔɔ̄loo pya a bee lu e’ɛm nu kumaloo doodoo wa? Pya amunu elap dogo na ba bee ɛrɛ a? Ena anua m nɔ pya elap dogo ama ale ena anua mm le enɔ a?’

Su pya nu o nɔ yerebu dogo, dap lu sɔ̄ o gaa zue ue ale sɔ̄ o gaa nyɔɔnɛ pya dɔɔ̄na dania nu. Lo o doo wo o suā nu dookɛ̄ Baibol kɔ doo kɔ: “Ɛrɛgebah nɛɛ a suānu, doolo a kɛɛrɛbu pya lo nu ama.”—Yɔɔ 107:43.

• Nu o dap doo: Yere nukuādɛɛ̄ loo kɛ̄ lo naɛsī i enɔānu taɛyɛɛ kaɛ a kura Pya Zɔ A Aabu Muɛ̄ Ue Bari i yerebah nɛ kɔ i su nu i nɔ yere bu dogo doo. Lo naɛsī loo i enɔānu ama wee ɛrɛ pya ebip i dap bip aba ii, pya ue i dap ɛrɛ ekɛɛrɛ nyɔɔ, le pya edobah i dap nɔ nu aāloo.