Lo edoo kɔ bu Jɛhova a ɛɛ, i ɛrɛ e’ɛrɛ yira bu Jehovah. Kerewo, Baibol kɔ “dɛ̄dɛɛ̄ nɛɛ naa ɛrɛ yira.” (2 Tɛs 3:2) Sɔ̄ nɛɛ leeratam Pɔɔl kɔ ue ama aa bee kɔ nu kumaloo “pya doo gbee le pya nɛɛ bag dogo ,” lo ba bee ye tɛŋaloo. Kerewo, nu Pɔɔl kɔ kumaloo yira ama lunage kaka kiiloo pya dɔɔ̄na nɛɛ. Pio nɛɛ naa yiga kɔ Nɛɛ dɛm nu le lo ale Bari. (Rom 1:20) Pya dɔɔ̄na dap yiga kɔ ba ɛrɛ eyira bu pya nu a ɛrɛ ekpo. Mɛ lo yira ama naa lu kaāna sīdee yira lo enɛ ka Jɛhova.

A lu ebɛɛ̄ kɔ i suā leere kɔ Jɛhova le, e alɛ naa wee nɛ ekpɛanu pya a ɛrɛ e’agatɛ̄ yira a. (Hib 11:6) Yira lu ziī gah lo eyuu edɔɔ̄ Bari. Yere kara nɛ Jɛhova dɛ̄dɛɛ̄ sɔ̄ eyerebah kɔ nɛɛ a’ɛrɛ ye kaɛ edɔɔ̄. (Luk 11:9, 10, 13) Ziī nu a kuī lo eyerebah inɛ kɔ i ɛrɛ kaɛ edɔɔ̄ Bari na lo ebuū Baibol dɛ̄dɛɛ̄ sɔ̄. Lo sɔ̄ i dap ɛrɛ ekɛɛrɛ nyɔɔ pya nu i ebuūna sa piiga lo esu yere bu dogo. Dodoo wo edoo kɔ i ɛrɛ kaɛ edɔɔ̄ Bari lo eyerebah i nɛ kɔ i taāŋa yebah, sa tɔɔ̄dum a tɔgɛ kɔ i ɛrɛ yira.