TƆ BAƐLOO—LO ENƆ ini'ī enɔɔ̄ 2020
Lo ekpo ama aara ekobee ue elu enɔ aā Ɛrɛtaa Enɔɔ̄ 3-30, 2020.
“Doolo O Bee Le Kaɛ”
23 ekobee ue enɔ: Ɛrɛtaa Enɔɔ̄ 3-9, 2020. Amunu ue a kuī na miɔŋɔ nɛɛ le pya ɛnjɛl kpesī a? E na anua lo ue lu gbɛnɛ a, sa e na i dap doo lo esere beeloo lo ue a? Dādābeeloo ture pya ebip ama eyerebah i nɛ kɔ i agɛrɛtɛ̄ i gbanialoo kuma kɛ̄ Jɛhova le.
“Gba Na Beenyiɛ Nua Ziī Lo E’ɛrɛ Bɔɔ Loo Oloo Bee”
24 ekobee ue enɔ: Ɛrɛtaa Enɔɔ̄ 10-16, 2020. Bu ekobee ue ama i gaa le nɔ nu akiiloo kara Mɛnɛ Devid alu e’ɛm bu kpa Le-yɔɔ 86:11, 12. E na ɛrɛ bɔɔ loo bee Jɛhova kura a? E na anua a bɔloo kɔ i ɛrɛ kaāna toga-toga enwadɛɛ̄ loo bee a kuī ama a? E bu mɛ sīdee na bɔɔ Bari ekpega i lokwa ii dɔ sɔ̄ alu edoā i ɛp a?
Ebip Pya A Buū bip
Ekɔ pya elap alu e’ɛm bu kpa Pya Galetia 5:22, 23 na alu dɛ̄dɛɛ̄ gah loo “eyuu edɔɔ̄” ani?
“Mda, Mdaa Loo Gaa Le Gbī Na Gbo Naana”
25 ekobee ue enɔ: Ɛrɛtaa Enɔɔ̄ 17-23, 2020. E na anua pio pya etaāŋabah Jɛhova bu gbɛnɛ-edo zua wee aabu bɔŋanaloo a? Bari kɛɛrɛ wa bu doodoo wa ni? Ekobee ue ama agara pya ebip ama. Ekɔ nage nu i dap nɔ aāloo kɛ̄ Jɛhova bee yerebah nɛ pya ye nɛɛ ba bee ɔbɛ etaāŋa ye bah bu sɔ̄ a bee lu e’ɛm Baibol doo.
“Obiaa Mɛ Pii”
26 ekobee ue enɔ: Ɛrɛtaa Enɔɔ̄ 24-30, 2020. Jɛhova gbī kɔ pya a ebee aabu bɔŋanaloo a obia ye lu loo. I dap doo gbɛnɛ-edo nu lo eyere mɛm loo pya a gbī esikɛ̄ si kue Jɛhova a kɔ: “Obiaa mɛ pii.” Bu ekobee ue ama, i gaa le nɔ sīdee i wa dap yerebah nɛ kɔ ba a doo wo.
