Ekɔ a wee a aga bah lo enyɛŋiabu pya nu o enɔā ni? A wee siraloo dɛ̄dɛɛ̄ ii doo wo aā ziī sɔ̄ yii ziī. Ena edap a yerebah nɛ a? Tɛ̄maloo ekɛɛrɛbu pya kpog bee nu o enɔā.

Sɔ̄ o gaa nɔnu, yira kīna sa ɛrɛ ekɛɛrɛ nyɔɔ pya nu a kuī o enɔā. Yere nu kuādɛɛ̄loo nu nɛɛ lɛɛratam Pɔɔl bee yere mɛm loo pya wuga kɔ ba a doo sɔ̄ ba gaa buū kpa a bee wa ɛm ma. A bee kɔ, “Bee dɛ̄dɛɛ̄ nu i bee kɔ na ama.” (Hib 8:1) Tɛ̄maloo pya ue ama a bee yerebah nɛ pya a ye gbaɛ̄tɔ̄loo kɔ ba a dābeeloo nu, le kɛ̄ dɛ̄dɛɛ̄ nu akɔ lu ziī doo

O dap sere sɔ̄, naadabah lop minit sɔ̄ o enɔānu sa, sa kɛɛrɛbu pya kpog bee nu o enɔā. Lo oo dap nyɛŋiabu, ɛp lo ekobee ue ale ekobee ue a le kɛɛ̄ naadabah tua etaā lo ziī barakpaɛ̄ lo e nyɛŋiabu. Lo o nɔ aānu, piiga lo ebaatɛ̄ kɛ̄ o dābeeloo doo. Kumasɔ̄ o gaa kɛɛrɛbu loo pya kpog bee nu o enɔā a, naale eyerebah loo aba kɛ̄ o nyɛŋiabu nu doo mɛ a gaa le yerebah a nɛ bu dum.