O Dapge Nyɛŋiabu Ni?
O dapge agara pya ebip ama dɛɛa nyɔɔ ue a le bu Tɔ Baɛloo bu zua 2019 ni?
E na yii Bari a kɔ: “Lɔgɔ nu nɔ̄ a bee lu edɛm a pima naale kiisī” kura a? (Ais 54:17)
I dap ɛrɛ dɛrɛ nyiɛ nyɔɔ kɔ Bari gaa le kpega i lɛɛloo ekpo gbegbee a le doodoo, “gbɛnɛ fii efɔp a dɔ loo ekpa daɛ̄.” (Ais 25:4, 5) Pya i nɛɛ baa naale edap i yere muū loo ina deedee.—w19.01, 6-7 naɛsī.
Bu mɛ sīdee na kɛ̄ Bari bee nyɔɔnɛ pya Kenan ba bee lu pɔrɔ le pya Izrɛl ba bee bee piya dānia nu doo tɔgɛ kɔ alu Bari kaāna biaɛ a?
Bari bee biaɛbiaɛ loo pya a bee kunagā sa si bag loo pya nɛɛwa le pya miɔŋɔ. A bee nɛ leelee pya a bee ye gbaɛ̄tɔ̄loo sa a bee wa aara leere.—w19.02, 22-23 naɛsī.
E na i doo lo i le kɛ̄ nɛɛ a naa lu nɛɛ ekeebee gaa yere kara a?
I dap tɔɔ̄ bia lo kɛ̄ bu ubepiī le enwādɛɛ̄ mɛ ii le ekɔ “amɛn” ale aabah pya a le lo kɛ̄. I dap yere kara bu nyiɛ i.—w19.03, 31 naɛsī.
Aa pya miɔŋɔ māloo bee piya doo wa?
Aa pya miɔŋɔ māloo lu pɔrɔ a lu esi loo nɛɛ a lu emāloo a, loo bɔŋanaloo, loo pya a gaa bɛɛ, le loo Bari. Lo pya a gaa bɛɛ kɔ a lu enɛ kpɛa loo ɛrɛgeba nɛɛ a si dua pɔrɔ ama, pya kanɛɛ egba wa bee bah.—w19.05, 9-10 naɛsī.
Bu mɛ sīdee na o dap nyaana ale sikɛ̄ lu aā bu kɛ̄ o kɛɛrɛ nu doo a?
Taɛ nu eyerebah i nɛ na: Yere kara nɛ Jɛhova. Ɛrɛ ekɛɛrɛ nyɔɔ nu o nɔ tɛ̄maloo e ɛma ɛp aba ɔɔ. Sagɛ pya o gbo leere.—w19.06, 11 naɛsī.
E na i doo anyaawo lo ekpɛ̄naloo Baɛ Tɛ̄ŋaloo a?
Lu ebɛɛ̄ kɔ i agɛrɛtɛ̄ i gbanialoo kumaloo Jɛhova. Suā leere kɔ Jɛhova were a loo le kɔ a naale e lɛɛ a baloo. Buū Baibol dɛ̄dɛɛ̄ dee sa yere kara dɛ̄dɛɛ̄ sɔ̄. Suā leere kɔ Bari gaa le doo gbɔ̄mɛɛ̄ pya ye yii akiiloo ye Buɛ̄-mɛnɛ. Aa dɔ kpa kaɛ le pya yɔɔ Buɛ̄-mɛnɛ biea bee a.—w19.07, 2-4 naɛsī.
E na i doo lo eyerebah nɛ pya i butɔ kɔ ba a ɛrɛ kpɔā a?
A lu ebɛɛ̄ kɔ i lu wa fɛgɛ loo, sere le edoba, ɛrɛ egerebu wa kumaloo sa wa su kari kɔā ue nɛ.—w19.08, 15-17 naɛsī.
Bu mɛ sīdee na i ɛrɛ efɛɛlootɔɔ̄ dookɛ̄ Jizɔs bee yira doo bu kpa Matiu 11:28 a?
I ɛrɛ pya kanɛɛ a i wereloo, pya i gbo a lee eera, le tam a lee eera.—w19.09, 23 naɛsī.
Bu mɛ sīdee na Bari esitam i bu lo e mmɛ nu a ye nia a? (Fil 2:13)
Sɔ̄ i nɔ Muɛ̄ Ue Bari sa ɛrɛ ekɛɛrɛ nyɔɔ, Bari dap i nɛ mɛm, sa i nɛ taɛ lo edoo nu a gbī le lo e mmɛ nu a ye nia. Ye edɔɔ̄ dap i yerebah nɛ.—w19.10, 21 naɛsī.
Amunu nu a kuī na i dap doo lɛɛ i gae biaɛfii nu a?
O’oo nu i doo na: Gbītɛ̄ nu leere, Yere kara bara suānu, Kɛɛrɛbu pya nu anua o gbī ebiaɛfii, Ɛrɛ taɛ nu o seea sī, Doo nu o bee nɔɔ.—w19.11, 27-29 naɛsī.
Ekɛɛrɛ kɔ sɔ̄ nɛɛ u ye piogi naa u bee bɔāge tɛ̄ sɔ̄ Setan bee kɔ ue nɛ Iv ni?
Eeye doo pippip. Setan bee kɔ nɛ Iv kɔ a naa le e’u, naale kɔ a naale e’u kaāna. Lɔgɔ ekɛɛrɛ pya ekwɔ sīdee taāŋabah naale ebee tɛɛ̄ yeebah gbɛnɛ Yii Maā a. Naa daba, yiga kɔ sɔ̄ nɛɛ u ye piogi naa u bɔātɛ̄ lɛɛ Bari gae lagiri pya nɛɛ a gaa bee wu tɔ li Babɛl.—w19.12, 15 naɛsī.