Eniage a lo e’ɛrɛ biī aāloo o enɔānu ni? Pya ekɛɛrɛ ama eyerebah a nɛ kɔ o sere ekɛɛrɛ nyɔɔ o enɔānu leere:

• Sagɛ kɛ̄ e lee a loo. Lo a waɛ, gbī kɛ̄ nu naa mma, sa ɛrɛ ɛɛdee ale miā. O dap ɛŋɛtɛ̄ kpaɛ̄ kasi, ale o tɔɔ̄ kɛ̄ elee a loo kɛ̄ ee.

• Tɔɔ̄ kɛ̄ alu aba ɔɔ. Jizɔs bee sagɛ loo eyere kara “nwī-buruburu-bee lɔɔrɛ” taɛ “bu wii.” (Maak 1:35) Lo a le tɔɔ̄ aba ɔɔ naa waɛ, doo kɔ pya o tɔ ale pya o tɔɔ̄ kpaɛ̄ a suā sɔ̄ o wee su nɔānu.

• Kiisī lo enɔnu. Ɔbɛ pya nu edabara o ekɛɛrɛ. Lo a le o wee su o fon ale o gbɛnɛ eba fon nɔānu, bii serekɛ̄ a naale esiā muɛ ale o ɔbɛ lokwa a naa dabara o ekɛɛrɛ. Lo a le o muɛ ziī nu alu kɔ o kwabahloo sɔ̄ o gaa nɔnu, ɛm serekɛ̄ lokwa a naa ibere a edoo sɔ̄ o nɔānu sah, sa kiisī loo enɔnu. Lo a’agabah loo esere ekɛɛrɛ nyɔɔ o enɔānu, o dap seea kina sa niialoo.