Buū Jɛnɛsis 37:23-28; 39:17-23 lokwa o nɔnu aāloo kɛ̄ Josɛf bee egerebu kɛ̄bah pɔrɔ biaɛ doo.

Gbītɛ̄ nu a le bu lo dɔ leere. Ena anua pya nɛɛ bee aara Josɛf bu sīdee a naa lee a? (Jɛn 37:3-11; 39:1, 6-10) Ku enɔɔ̄ ale zua na Josɛf bee egerebu kɛ̄bah pɔrɔ biaɛ a? (Jɛn 37:2; 41:46) Bu lo sɔ̄, ena Jɛhova bee doo nɛ Josɛf a, mɛ ena a naa bee ye doo nɛ a?—Jɛn 39:2, 21; w23.01 17 ¶13.

Gbītɛ̄ pya dɔɔ̄na nu akiiloo. Baibol naa kɔ Josɛf bee kɔ ue bee aba ɛɛ kiiloo esah ue wa Pɔtifa bee ye dɛrɛ. Bu mɛ sīdee na pya dɔ Kpa Kaɛ a le kɛɛ̄ ama eyerebah i nɛ kɔ i muɛ nu anua Josɛf bee ɔbɛpiī a, ale nu anua a naa lu ebɛɛ̄ kɔ i ɛmadɛɛ̄ kɔ elu emuūna dɛ̄dɛɛ̄ nu akiiloo lo ue i nɛ a? (Kam 20:2; Jɔn 21:25; Doonu 21:37) Pya amunu elap dogo na a bee dap yerebah nɛ Josɛf kɔ a egerebu kɛ̄bah pɔrɔ biaɛ a?—Maika 7:7; Luk 14:11; Jem 1:2, 3.

Gbī pya nu o dap nɔ aāloo. Bip oloo kɔ:

• ‘Pɔrɔ ena m ɛmadɛɛ̄ kɔ pya nɛɛ edap mɛ doo loo doodoo nɛɛ a gaa nyɔɔnɛ dumɛ Jizɔs a?’ (Luk 21:12, 16, 17; Hib 10:33, 34)

• ‘Ena m dap doo anyaawo lo eyerebah mɛ nɛ kɔ m egerebu sa tāmā pɔrɔ biaɛ a?’ (Yɔɔ 62:7, 8; 105:17-19; w19.07 2-7)