Waara zɔɔ lo Jizɔs Kraist bee su ye mii daā na aba nu edoo kɔ alu e’aaloo i pɔrɔ i nɛ a. (Ɛfɛs 1:7) Kerewo, Baibol kɔ: “Tua sɔ̄ bu ye egerebu a dasī sere ekpɛanu i doo pɔrɔ,” lo a kura kɔ, ebee aaloo pya i pɔrɔ i nɛ lɛɛ Jizɔs gaɛ su ye dum i nwaana zɔɔ bee. (Rom 3:25) Lo a le wo, bu mɛ sīdee na Jɛhova ebee aaloo i pɔrɔ lɛɛ Jizɔs gae u i bee, sa aba lo sɔ̄ a kiinagesī lo elu Bari kaāna biaɛ ani?

Jɛhova bee ɛp lo waara zɔɔ a’agara nua nu elua edoo aā sɔ̄ a bee yira yii lo enɛ “eyuu” lo a gaa le agara pya nɛɛ a ye ɛrɛ yira bu. (Jɛn 3:15; 22:18) Bari bee suā leere kɔ ye Nwiīnɛɛdam gaa le esu ye loo nɛ sa i waara zɔɔ bee taɛ sɔ̄ alɛ ebee nɔɔ. (Gal 4:4; Hib 10:7-10) Sɔ̄ Jizɔs bee le a nyɔɔ kɛnɛkɛ̄, Bari ebee ye nɛ ekpo lo e’aaloo pɔrɔ lɛɛ a gae u i bee. Nu anua Jizɔs bee dap aaloo pɔrɔ nɛ pya a ye ɛrɛ yira bu na nyɔɔbee a bee suā kɔ ye waara zɔɔ a’agara gaa le uu dɛ̄dɛɛ̄ wa pɔrɔ.—Mat 9:2-6.