Naadabah, a wee agaloo gbɛnɛ-edo ii lo enyɛŋiabu nu i enɔā. Kerewo, o eyerege nu kuādɛɛ̄loo kɔ edobah Jizɔs wee nwaabah yii nyiɛ nɛɛ ni? O dap kɛɛrɛbu loo kɛ̄ ba mɛa doo bu nyiɛ a, e lo ama eyerebah a nɛ kɔ o nyiɛŋia wa bu loo. Bu aba lo sīdee, o dap nyɛŋiabu loo pya nu o nɔ tɛ̄maloo ekɛɛrɛbu loo kɛ̄ ba mɛa doo. Bu mɛ sīdee na o dap doo lo ama? Tɛ̄maloo e’ɛrɛ pya nu o tɔ̄ sɔ̄ o gaa nɔ nu.

Pya nɛɛ a tɔ̄nu sɔ̄ ba gaa nɔ aā nu wee yerebah kɔ ba a nyɛŋiabu. Ba gbī muɛ kɔ sīdee ama lee lo enɔ beebee ue a le bu le lo enɔ pya dɔɔ̄na ekɛɛrɛ a nyɔɔnɛ. Naa kura kɔ o para tɔ̄ nu, mɛ kerebah nu o tɔ̄ a waɛ edābeeloo eyerebah anɛ. Elua egbī muɛ kɔ pya nama nɛɛ ɛrɛ biī aāloo pya nu alu etɔ̄ ama.

Dɔɔ̄na sɔ̄ o nɔnu, o dap piiga lo etɔ̄ pya nu o enɔā. Pya nu o nyɛŋiabu dap alu ziī dua loo!