Kii kɛ̄ gbɛnɛ-edo nɛɛ le, ɛp pya a aa ɛrɛgebah sīloo nyɔuwe nua kuna-kuna lu nu a naale edap waɛ.

•   “Ɛp pya a aa ziī sīloo nyɔuwe ema ziī egbeera keekee betam, eku, le kɛ̄ pya nɛɛ tɔɔ̄dum doo ziī ziī biradee. E lo ama edoora kɔ pio nɛɛ a aara pya dɔɔ̄na bu sīdee a naa lee.”—António Guterres, UN Secretary-General.

 Ɛrɛge sɔ̄ elu e’ɛp dɛ̄dɛɛ̄ nɛɛ nua kuna-kuna ni? Ena Baibol kɔ a?

 Baibol tɔgɛ i kɛ̄ Bari ɛp pya a aa keekee barasī loo nyɔuwe doo.

•   “[Bari] bee doo aāloo ziī nɛɛ dɛ̄dɛɛ̄ edonyɔɔ loo nɛɛ kɔ ba a tɔɔ̄ dɛ̄dɛɛ̄ nyɔuwe.”—Doonu 17:26.

•   “Bari naa wee ɛp sī nɛɛ, mɛ bu ɛrɛgebah edonyɔɔ, nɛɛ a ye ɛrɛ bɔɔ loo sa si tam a kaāna elu esu ye.”—Doonu 10:34, 35.

 Baibol doo kɔ i suā kɔ dɛ̄dɛɛ miɔŋɔ nɛɛ lu aba wuga, e Bari su baɛbah suā ɛrɛgebah nɛɛ a aa ɛrɛgebah kɛ̄.

 Elu e’ɛp dɛ̄dɛɛ̄ nɛɛ nu kuna-kuna bu Buɛ̄-mɛnɛ Bari, lo a le ziī bɛbɛɛ ebɛɛ aā li bunyɔɔ. Lo bɛbɛɛ etɔgɛ pya nɛɛ kɛ̄ ba e’aara pya dɔɔ̄na bu sīdee a bɔloo doo. Elu etɔgɛ pya nɛɛ kɛ̄ ba edoo sa ba naale e’ɛpna pya nɛɛ ema nyɔɔ ziī.

•   “Pya a tɔɔ̄ bu nyɔuwe enɔ kaāna dogo.”—Aisaia 26:9.

•   “E nu a esira loo kaāna dogo gaa le lu efɛɛloo, e nu a esira aaloo kaāna dogo na efɛɛloo le ture nyiɛ loo ina deedee.”—Aisaia 32:17.

 Niī’ee, gbɛnɛ-edo miliɔn pya nɛɛ gaa nɔ kɛ̄ e’aara pya dɔɔ̄na bu enwadɛɛ̄ le sīdee ka le loo doo aā bu Baibol.

•   Lo enɔ yereloo, buū ekpo Awake! ye ekobee ue kɔ “Is There a Cure for Prejudice?”

•   Buū ekobee ue a kɔ “Talking to Children About Racism” lokwa o dap suā kɛ̄ tɛ le ka dap gbaa nyɔɔnɛ pya wa butɔ kɔnia lo ekobee ue ama doo.