Bɔātɛ̄ zua 2023 ama, dɛ̄dɛɛ̄ ii bɛābu kɔ lele nu a sira i loo le pya i butɔ. Ena anua i bɛābu kɔ deesī li elee a?

 Baibol kɔ ziī le yereue i nɛ kɔ pya taāŋa i gaa kpesī anyaawo naale ebiɛ̄ e a etah sɔ̄ sɔ̄ naa binia. Bu kaka, Baibol bee lu e’ɛm “lo enɔɛ i nu, lokwa tɛ̄maloo. . . [egbɔ̄nyiɛ] aā bu kpa kaɛ i ɛrɛ bɛābu.”—Pya Rom 15:4.

•   Lo esuā pya dɔɔ̄na yii a le bu Baibol, buū ekobee ue a kura “A Real Hope for a Better Tomorrow.

 Bɛābu a le bu Baibol dap le doodoo “kpe aā fah” loo i dum. (Pya Hibru 6:19) Bɛābu ama dap i agɛrɛ nyiɛ. A dap i yerebah nɛ kɔ i dap tāma pya taāŋa i gaa tɛɛ̄bu anyaawo, wee ɛrɛ le ekɛɛrɛ, sa doo kɔ i kiisī lo e’ɛrɛ biakɛ̄ ɛɛbu. Bu edobah:

•   Ɛp kɛ̄ bɛābu a le bu Baibol bee yerebah nɛ ziī gbara a wee ɔ̄ mii doo ama. Si ee vidio a kura Na Sīdee Tɔɔ̄dum Bee Mɛ Mma.

•   Ɛp kɛ̄ bɛābu a le bu Baibol dap i yerebah nɛ doo sɔ̄ ziī nɛɛ i bee wereloo u. Si ee vidio a kura Egbɔ̄nyiɛ A Le Nɛ Pya Nɛɛ Nɛɛ U Loo.

 Gbɛnɛ-edo nɛɛ ɛmadɛɛ̄ kɔ lele nu a sira, mɛ ba naa suā bu kaka sɛh nu ba bɛābu ama edooage gbɔ̄mɛɛ̄ naa’e. Yii Baibol yira lu kee. Ena anua a? Nyɔnɛbee pya yii Baibol aabah taɛ Jɛhova Bari a, “a naa [dap] kɔ esah.” (Taitɔs 1:2) Aba Jɛhova a lu nɛɛ a dap doo gbɔ̄mɛɛ̄ nu a bee yira yii lo edoo; A dap doo ‘ɛrɛgeba nu a ye nia.’—Le-yɔɔ 135:5, 6.

 Bu i ɛɛ lo ekue a kɔ o ɛrɛ biī aāloo pya bɛābu i dap dɛrɛ nyiɛ nyɔɔ a le bu Baibol. O dap agɛrɛtɛ̄ kɛ̄ o ye dɛrɛ nyiɛ nyɔɔ doo tɛ̄maloo e “ɛp nu a le bu kpa leere.” (Doonu Pya Nɛɛ Lɛɛratam 17:11) Gbītɛ̄ muɛ nyɔɔ oloo tɛ̄maloo enyɔɔnɛ i nɔ Baibol bu yɔrɔ. Bɔātɛ̄ zua 2023 tɛ̄maloo esuā kɔ deesī li elee!