Tɛ̄ɛ̄ ɛŋɛnɛ nyɔuwe, pya nɛɛ gaa tɔga kɛ̄bah gbɛnɛ aramia zue le pɔrɔ pah a ye aaloo. Yere nukuādɛɛ̄ loo pio kpɛa ama:

•   “Aā sɔ̄ a bee lu ebɔatɛ̄ edo kɛ̄ bu dee aramia doo 174 zua akii adumɛ, zue a bee mɔ bu Ini’ī enɔɔ̄ a bee aramia ee dɛ̄dɛɛ̄ ɛɛ.”—National Oceanic and Atmospheric Administration, U.S. Department of Commerce, Ɛrɛba Enɔɔ̄ 13, 2023.

•   “Italy, Spain, France, Germany le Poland aa kpesi gbɛnɛ aramia sīdee a dap lu 48°C [118°F] bie kɛ̄ maā tɛɛ̄ ɛŋɛnɛ li Sicily le Sardinia, sɔ̄ alu edo, dap aramia ee dɛ̄dɛɛ̄ sɔ̄ zue ebee lu e’ɛrɛ bu Europe.”—European Space Agency, Ɛrɛba Enɔɔ̄ 13, 2023.

•   “Aāloo kɛ̄ nyɔuwe aramia doo, nu i ɛmadɛɛ̄ na gbɛnɛ e’agabah dɔɔ boo lo ebialoo wee dɔɔ aā ziī sɔ̄ yii ziī, e lo ama edoo kɔ maā a yii booboo kɛ̄.”—Stefan Uhlenbrook, director of hydrology, water and cryosphere a le yɛɛ World Meteorological Organization, Ɛrɛba Enɔɔ̄ 17, 2023.

 Ekɔ pya kpɛa o dā akiiloo kɛ̄ sīdee gaa bee piya doo ama bure a ni? Naa ɛp nu Baibol kɔ akiiloo ekobee ue a kuī ama.

 Aiī. Kɛ̄ sīdee aramia doo le pya dɔɔ̄na pɔrɔ siranu aa sīdee gbaaloo pya nu Baibol bee kɔ esira bu ilii sɔ̄ ama. Bu edobah, Jizɔs bee kɔ serekɛ̄ kɔ “gbɛnɛ aabɔɔ” ale “nu a naa wee sira le nu a yere bɔɔ” esira.” (Luk 21:11; Good News Translation) Kɛ̄ efɔp sīdee sikɛ̄ aramia doo bu yube nyɔuwe edoora kɔ gbɛnɛ-edo nɛɛ a ɛrɛ bɔɔ kɔ nu nɛɛ doo dap gbee nyɔuwe.

 Eeye. Bari bee dɛm nyɔuwe nua kɛ̄ nɛɛ etɔɔ̄ mmɛ deedee; a naale elɛɛbahloo kɔ nɛɛ a gbee doo pip-pip. (Le-yɔɔ 115:16; Eklisiastis 1:4) Gbaānageloo wo, e yira yii kɔ “egbee pya a wee gbee nu loo nyɔuwe.”—Mumuuna 11:18.

 Pya nu a le bu Baibol tɔgɛ kɔ Bari dap e a gaa le kpega nyɔuwe lɛɛ kɛ̄bah keekee siranu a ye gbee.

•   “[Bari] bee doo kɔ gbɛnɛ fii efɔp a ɔp, e dɛ̄dɛɛ̄ efɔp-maā lo gbɛnɛ pɛnɛ bee ubepiī.” (Le-yɔɔ 107:29) Bari ɛrɛ ekpo ebaɛmabee ekpo sīdee. A ɛrɛ ekpo esu kwaā pya nu a gaa doo kɔ nɛɛ a tɔga kɛ̄bah pya pɔrɔ siranu a aa sīdee.

•   “O e’ɛba kɛnɛkɛ̄ sa ye tɔ̄ maā loo, sa doo kɔ a ɛrɛ gbɛnɛ zɔ.” (Le-yɔɔ 65:9) Leelee Bari edoo kɔ kɛnɛkɛ̄ a lu paradais.

 Lo esikɛ̄ nɔ nu akiiloo yii Baibol yira kɔ kɛnɛkɛ̄ esikɛ̄ le le, buū ekobee ue akura “Mɛɛ Na Ekpɔā Nyɔuwe A?”