Baibol aara suānu a lee eera lo esu tama dum. Lo o buū sa ye ɛrɛ ekɛɛrɛ nyɔɔ dɛ̄dɛɛ̄ sɔ̄ sa su nu o nɔ yere bu dogo, “o dee . . . ekiisī leere.” (Joshua 1:8; Le-yɔɔ 1:1-3) O suānage loo Jɛhova le ye Nwiī, Jizɔs, e lo suānu edoo kɔ o ɛrɛ dum.—Jɔn 17:3.

Amunu kpa na a lee ebɔātɛ̄ buū Baibol aā loo a? O dap buū aā ɛrɛgeba kɛ̄. Nɔɔnu akiiloo buū Baibol ama eyerebah a nɛ kɔ dap buū Baibol aāloo ye tua kpa mmɛ kuma ale o buū dɛɛa nyɔɔ ziī ziī ekobee ue. Bu edoba, o dap buū pio kɛ̄ a le bu lo edā eloh akiiloo kɛ̄ Bari bee nyɔɔnɛ pya Izrɛl dania nu bu sɔ̄ akii adumɛ doo. O dap buū pya dɔɔ̄na kɛ̄ lo esuā kɛ̄ bɔŋanaloo pya Nɛɛ Kraist bu tua sɔ̄ o’oo tup zua bee bɔātɛ̄ sa nyim doo. Lo o buū ziī ziī ekpokɛ̄ bu ziī ziī biradee, o dap buū yubɛ ekpo Baibol lɛɛ bu ziī zua.

Ale o gaa gbī kɛ̄ o dap doodoo buū Baibol ziī ziī, kɛ̄ edoo dap buū lɛɛ bu ziī zua, ale nɛɛ a gaa bɔātɛ̄ ebuū Baibol, nɔɔnu eyerebah a nɛ. Kuɛ̄ nɔɔnu akiiloo buū Baibol ama, sa o bɔātɛ̄ anii’ee.