Dɛɛa nyɔɔ kpɛa a aabah pya World Health Organization (WHO), nyɔɔ 23 biradee bu O’oo Enɔɔ̄, 2022, 6.27 miliɔn pya nɛɛ e’ua aāloo COVID-19. Kerewo, bu kpɛa a bee aabah pya WHO nyɔɔ 5 biradee bu O’oo Enɔɔ̄ 2022, ba kɔ ba kɛɛrɛe kɔ lo buā e’era wo. Ba kɔ bu zua 2020 le 2021, “buā pya a u aaloo dumɛloo COVID-19 ale pah a ye aaloo . . . dap lu 14.9 miliɔn pya nɛɛ.” Ekɔ a ɛrɛge nu Baibol kɔ kumaloo dua ezialoo kɛ̄tɔɔ̄ ama ni?

•    Jizɔs bee kɔ nu akiiloo eyɔloo ale “pɔrɔ dumɛ” eyaara yiiloo pya nɛɛ bu sɔ̄ a lu ekure “kpɛdumɛ dee.”—Luk 21:11, 2 Timɔti 3:1.

 Ue Jizɔs ama gaa dooa gbɔ̄mɛɛ̄ aniī’ee. Lo enɔ yereloo, buū ekobee ue akura “What Is the Sign of ‘the Last Days,’ ale ‘End Times’?“

•    ‘Bari egbɔ̄nyiɛ . . . gbɔ̄ nyiɛ dɛ̄dɛɛ̄ ii bu i taāŋa.’—2 Pya Kɔrint 1:3, 4.

 Gbɛnɛ-edo pya ba epeere pya ba wereloo bu luh e ɛrɛ egbɔ̄nyiɛ aāloo yereue Baibol. O dap nɔ yereloo aābu ekobee ue akura “Coping With Grief—What You Can Do Today“ le “The Best Help for Those Who Grieve.“

•    “Doolo o Buɛ̄-mɛnɛ lu. Doolo nu o gbī a lu edoo, dookɛ̄ a le doo li bunyɔɔ, a lenage kɛ̄nɛkɛ̄.”—Matiu 6:10.

 Sɔ̄ sɔ̄ naa binia bu “Buɛ̄-mɛnɛ Bari,” “lɔgɔ nɛɛ a tɔɔ̄ buɛ̄ a naale ekɔ: ‘Loo mɛ dumɛ.’” (Maak 1:14, 15; Aisaia 33:24) Si ee vidio a kura Ena Akura Buɛ̄-mɛnɛ Bari Ani? lokwa o suā nu akiiloo bɛbɛɛ ele li bunyɔɔ ama le nu a gaa le doo.

I kue a kɔ o nɔ nu Baibol kɔ yereloo lokwa pya o butɔ le ɔɔ dap ɛrɛ biī aāloo ye zuurabahtɔ̄ suānu le loo le pya lele yii a ye le bu.