Tɛɛ̄ ɛŋɛnɛ nyɔuwe, gbɛnɛ-edo nɛɛ gbī ede aba bee te le nyā.

•   Pya nɛɛ ba gbī ede aba bee te le nyā na pya wa ekɛɛrɛ le wa sīdee tɔɔ̄dum tɔgɛ kɔ ba naa gbī edoo lɔgɔ nu eyere muū loo nam, tɛ̄maloo eba wa, su nu a wa lu loo kwaā nu eyaa, ale su wa daā ɛrɛgebah nu.”—The Vegan Society.

 Gbaānageloo wa ekɛɛrɛ kumaloo nam ama, pio nɛɛ a denage aba bee te le nyā doo wo nyɔɔ kɔ ba naa gbī egbee wa kɛ̄ etɔɔ̄, nyɔɔ wa dum nwanaloo, ale nyɔɔ wa sīdee yigabari.

•   “De aba bee te ale nyā lu kee loo pya dɔɔ̄na nuede, nyɔnɛbee a lu nu pya nɛɛ yiga bu, kɛ̄ ba gbī etɔɔ̄ wa dum doo, ale sīdee ziī ziī nɛɛ gbī esu nyaana kɛ̄tɔɔ̄ nyɔuwe kɔ a lee.”—Britannica Academic.

 Ekɔ de aba bee te ale nyā dapge kwa pya taāŋa a le bu nyɔuwe ni? Ena Baibol kɔ a?

 Baibol tɔgɛ kɔ Nɛɛ A Bee I Dɛm, lo a le Jɛhova Bari, a doo kɔ i suā kɔ nɛɛ eenyɔɔ nam e a bee lu edɛm nɛɛ kɔ a ɛrɛ ekpo loo nam. (Jɛnɛsis 1:27, 28) Lo ama tɔgɛ kɔ, Bari lɛɛbaloo kɔ nɛɛ dap ba nam. (Jɛnɛsis 9:3) Kerewo, a naa wee ye ɛɛrɛbu sɔ̄ a lu esi bag loo nam.—Kam 12:10.

 Aāloo nu Baibol kɔ, ziī ziī nɛɛ na ebiaɛfii lo eba nam ale a naale eba a. b Lɔgɛ ɛɛ i biaɛfii lo edoo naa su i nua le nɛɛ kɛ̄dɛɛ̄ Bari. (1 Pya Kɔrint 8:8) Lɔgɔ nɛɛ aa bege ue dɔɔ̄na nɛɛ nyɔɔnɛ a biaɛfii lo ede.—Pya Rom 14:3.

 Baibol doo kɔ i suā kɔ nu i biaɛfii lo ede naale ekwa taāŋa a le bu nyɔuwe. Gbɛnɛ-edo pya taāŋa ama tɛɛ̄ aaloo bira bɛbɛɛ, kɛ̄ pya nɛɛ tɔɔ̄dum doo, le kɛ̄ a lu enɔɔ̄ nu doo bu nyɔuwe ama, e lɔgɔ nwiī nɛɛ a dap kwa naale. Baibol kɔ:

•   “Nu a bɛga naale edap lera.”—Eklisiastis 1:15.

 Nɛɛ A Bee I Dɛm gaa le kwa pya taāŋa i gaa tɛɛ̄ bu. Baibol su edoba kɔā nu akiiloo nu a gaa le doo.

•   M bee muɛ aā bunyɔɔ, le aā nyɔuwe; nyɔnɛbee lo tuatua bunyɔɔ le lo tua nyɔuwe ebee tɛɛ̄ aa, e gbɛnɛ pɛnɛ naa bee lena.”—Mumuuna 21:1.

 Bari gaa le lɛɛ bɛbɛɛ miɔŋɔ nɛɛ, ale lo “tua bunyɔɔ,” sa su lo “aā bunyɔɔ,” lo a le ye bɛbɛɛ a le li bunyɔɔ nua. Ye Buɛ̄-mɛnɛ elɛɛ lo “tua nyɔuwe,” lo a le pya bag dogo, e a ebɛɛ lo “aā nyɔuwe,” ale pya ba yiga lo etɔɔ̄ kɛɛ̄ lo bɛbɛɛ.

 Aba kɛɛ̄ bɛbɛɛ Buɛ̄-mɛnɛ Bari na miɔŋɔ nɛɛ enɔ kɛ̄ enyɔɔnɛ nam tɔɔ̄ bu efɛɛloo le kɛ̄ esere wa kɛ̄ etɔɔ̄ leere doo a.—Aisaia 11:6-9.