“Nu esinage kɛ̄ aga tɛɛ̄ ɛŋɛnɛkɛ̄ nyɔuwe dɔɔ̄na sɔ̄ e,” kɛ̄ ziī gbara a le bee World Bank Group bu kpɛa ue a bee aa tɔ June 2022. “Du dɛ̄dɛɛ̄ nu aa yiiloo anyaawo ee kɛ̄ a bee le doo, e aba lo sɔ̄ pya nɛɛ naa ɛrɛ kpugi esu daā wa ebɛɛ̄.”

 Ziī bɔŋanaloo a kura International Monetary Fund kɔ: “Du Fuel le nuede yiiloo dɛ̄dɛɛ̄ dee, e pya nɛɛ lo ama ɛrɛ pah nyɔɔ gbɛnɛ na pya a tɔɔ̄ barasī alu kporo kaāna.”

 Baibol doo kɔ i dābeeloo nu anua i yaa kpesī dua e’aga kɛ̄tɔɔ̄ ama, a kɔnage i nɛ kɛ̄ i dap tama doo, sa i nɛ bɛābu kɔ kuma gaa le inaloo.

•   Baibol su sɔ̄ i tɔɔ̄dum ama kure “kpɛdumɛ dee.”—2 Timɔti 3:1.

•   Jizɔs bee kɔ “gbɛnɛ aabɔɔ,” ale pya siranu a yere bɔɔ, esira bu sɔ̄ kpɛdumɛ i le ama. (Luk 21:11) Kɛ̄ dɛ̄dɛɛ̄ nu sikɛ̄ sidu doo anyaawo doo kɔ bɔɔ a aa pya nɛɛ. Pya nɛɛ aa ɛrɛ ekɛɛrɛ kiiloo kɛ̄ wa deesī emɛā doo, lo a le ba edabe ge nɛ nu a bɛɛ̄ pya wa butɔ.

•   Kpa Mumuuna e bee kɔ sere kɛ̄ kɔ nuede gaa le sidu bu sɔ̄ i le ama. “E m bee dā nu a bee ziī muɛ̄. . . . A kɔ, ‘Ziī nu doā kpakpaa wheat ale taa nu doā kpakpaa barly si nu a wee lu ekpɛ loo tam ziī biradee.’”—Mumuuna 6:6, Easy-to-Read Version.

 Lo enɔ yereloo nu akiiloo “kpɛdumɛ dee” le mɔmanudɛɛ̄ a le bu kpa Mumuuna, si ee vidio a kura The World Has Changed Since 1914 sa buū ekobee ue a kɔ “The Four Horsemen—Who Are They?”

•   “Ba gaa le wugara tɔ sa wa tɔɔ̄ bu; ba gaa le fogara kere uwe vine sa de bee a wa lu bu. Ba naale wu sa dɔɔ̄na nɛɛ tɔɔ̄ bu; ba naale fo sa dɔɔ̄na nɛɛ de.”—Aisaia 65:21, 22.

•   “Doolo gbɛnɛ-edo kpakpaa le buɛ̄ a; doolo a nyɔŋa bu efɔp nyɔɔ dɛ̄dɛɛ̄ gbɛnɛ kpokɛ̄.”—Le-yɔɔ 72:16.

•   “‘Nyɔnɛbee a ku esu nu lɛɛbah pya gbɔɔ̄ni, nyɔnɛbee pya nu bɛɛ̄ gaa nuumi num, Jɛhova kɔ, M gaa le aakɛ̄ anyaawo.”—Le-yɔɔ 12:5. a

 Nwīgbagbara sɔ̄ aā anyaawo, Bari gaa le su kuma mmɛ loo naɛ nu, naale bu aba ziī barasī, mɛ tɛɛ̄ ɛŋɛnɛ nyɔuwe. Lo emuɛ kɛ̄ lo ama esira doo, buū ekobee ue a kɔ “Is a Fair Economic System Possible?”

 Mɛ kere nyaawo, Baibol dap a yerebah nɛ kɔ o tāma e’aga kɛ̄tɔɔ̄ ama. Bu mɛ sīdee? A aara pya zuurabahtɔ̄ a dɔbiī nyɔɔ kɛ̄ esu kpugi daānu bu sīdee suānu le loo doo. (Kam 23:4, 5; Eklisiastis 7:12) Lo enɔ yereloo, buū pya ekobee ue a kɔ “Protect Your Livelihood” le “How to Live on Less.”