O’oo Deelookaɛ, 24 biradee bu Baɛ Enɔɔ̄, 2023, na a eree ziī zua lo ziī gbɛnɛ pɔrɔ siranu bee sira a: lo a le gbɛnɛ benɔ̄ a bee bɔātɛ̄ bu buɛ̄ Ukraine. Dookɛ̄ pio kpɛa kɔ doo, nu alu 300,000 pya nɔ̄ Ukraine le pya nɔ̄ Russia elua efɛ ale yere muūloo, e nu a dap lu 30,000 pya nɛɛ e-ua bu lo nɔ̄. Kerewo, dɛ̄dɛɛ̄ pya e’ua ale pya elua eyere muūloo dapnage ee pya buā alu enɛ ama.

 Alu ekiɛ̄nu kɔ, a bee kɔ nɔ̄ ama naale enwaabah ina kuma.

•   “Aā sɔ̄ pya nɔ̄ a aa Russia bee yii Ukraine, lɔgɔ nu a tɔgɛ kɔ lo nɔ̄ e’ina kuma sɔ̄ sɔ̄ naa binia naale. Naa bee kɔ lɔgɔ sī gaa le eeba, e a naa beenage kɔ lɔgɔ aba eyiga nu ziī kɔ lokwa lo taāŋa tah.”—NPR (National Public Radio), Baɛ Enɔɔ̄ 19, 2023.

 A nɛ taāŋa booboo nɛɛ kɔ nɔ̄ ama esua ezialoo le tɔga nua nyɔɔ pya nɛɛ a le keekee kɛ̄ bu nyɔuwe. Amunu bɛābu na Baibol nɛ a? Ekɔ kuma e’inage loo nɔ̄ ni?

 Baibol kɔ nu akiiloo ziī nɔ̄ lo a gaa le kpɔā miɔŋɔ nɛɛ e a naale egbee wa sī. Lo nɔ̄ na nɔ̄ Amagidɔn, a lu ebaatɛ̄ lo nɔ̄ kɔ ɛɛ na “nɔ̄ lo gbɛnɛ dee Bari lo a bɛɛ dɛ̄dɛɛ̄ nu.” (Mumuuna 16:14, 16) Tɛ̄maloo lo nɔ̄ ama na Bari gaa le su kuma mmɛ loo dɛ̄dɛɛ̄ bɛbɛɛ miɔŋɔ nɛɛ lo etɛrɛ booboo nɔ̄ a gbeesī nu a. Lo enɔ kɛ̄ Amagidɔn esu biakɛ̄ efɛɛloo nua doo, buū pya ekobee ue ama:

•   “Ena Nɔ̄ Amagidɔn A?”

•   “Amagidɔn Lu Le Yereue!”