Aiī. Bari kɛɛrɛbu pya ye zooro ba le bu dumɛloo. Sɔ̄ a gaa kɔ ue kumaloo ziī zooro Bari a bee bɔloo eture nyiɛ loo, Baibol bee kɔ: “Jɛhova e’agɛrɛ ye loo nyɔɔ ye daɛ dumɛnu.” (Le-yɔɔ 41:3) Taa nu ama dap a yerebah nɛ kɔ o tama lo o le bu gbɛnɛ dumɛloo:

1. Yere kara bara ekpo lokwa o dap egerebu. O dap ɛrɛ “efɛɛloo Bari, lo a eenyɔɔ dɛ̄dɛɛ̄ suānu,” lo edap a agɛrɛloo sa doo kɔ waa ɛrɛna gbɛnɛ ekɛɛrɛ.—Pya Filipai 4:6, 7.

2. Ɛrɛ le ekɛɛrɛ. Baibol kɔ: “Ɛrɛ ɛɛbu wee doo kɔ nɛɛ a le bu nwanaloo. Mɛ bialoo bura bura wee zui nɛɛ mmɛ sɔ̄ e’u.” (Kam 17:22, Good News Translation) Doo pya nu edoo kɔ o wee kɛgɛ mɔm nyɔnɛbee a wee yerebah nɛ nwanaloo sa doonage nɛɛ a dasi ibere ye taāŋa.

3. Ɛrɛ bɛābu kumaloo deesī. Kaāna bɛābu dap yerebaah nɛ nɛɛ kɔ a ɛrɛ ɛɛbu kere a le bu gbɛnɛ dumɛloo. (Pya Rom 12:12) Baibol kɔ a ɛrɛ sɔ̄ “lɔgɔ nɛɛ nɛɛ a tɔɔ̄ bu buɛ̄ a naale ekɔ: ‘Loo mɛ dumɛ.’” (Aisaia 33:24) Lo sɔ̄ na Bari eboh dɛ̄dɛɛ̄ gbɛnɛ dumɛloo pya boh dumɛ naa dap boh anii’ee a. Bu edoba, Baibol kɔ pya nama nɛɛ esikɛ̄ lu zege sa ɛrɛ mɛm, sɔ̄ a kɔ: “Doolo ye namloo lu aā doodoo dee nwiī; doolo a obia ina loo dɛ̄dɛɛ̄ dee ye mɛm zuguru.”—Job 33:25.

Yere nukuādɛɛ̄loo: Kere sɔ̄ Pya Ekeebee Jɛhova suā kɔ Bari wee yerebah nɛ nɛɛ a, ba wee sinage loo pya boh dumɛ sɔ̄ loo wa dumɛ. (Maak 2:17) Kerewo, ii wee kɔ kɛ̄ ziī nɛɛ eboa loo ye doo, i ɛmadɛɛ̄ kɔ ziī ziī nɛɛ a biaɛfii kɛ̄ eboa loo ye doo.