A ɛrɛ pio kara Bari naa wee agara. Naa ɛp baɛ nu a dap doo kɔ Bari aa agara kara ziī nɛɛ yere ama.

1. Lo kara gbanasī ekɛɛrɛ Bari

Bari naa wee agara kara a gbanasī ye ekɛɛrɛ a le bu Baibol ale nu alɛ gbī. (1 Jɔn 5:14) Bu edoba, Baibol kɔ i aa ɛrɛ ɛmaanyiɛ. Bira kpugi wee nyima emaānyiɛ. (1 Pya Kɔrint 6:9, 10) Nyɔɔwo, Bari naale e’agara o kara lo o bee yere kara kɔ o eeba bu bira kpugi. Bari naale nɛɛ legbɔɔsī. Bu i ɛɛ kɔ a naale doo wo. Lo a bee le doo wo, bɔɔ ebee le gaa i aa loo nu pya dɔɔ̄na ebee dap kɔ nɛ Bari kɔ a doo i.—Jemes 4:3.

2. Nɛɛ a lɛɛbeekɛɛ̄ ye lok

Bari naa wee gbaɛ̄tɔ̄ kara pya a biaɛfii lo ebiire ye bu tɛ̄maloo wa dogo. Bu edoba, Bari kɔ nɛ pya a kɔ ba gaa ye taāŋaebah mɛ ba gaa ye lɛɛbeekɛ̄ kɔ: “Kere bui yere booboo kara, mm le egbaɛ̄tɔ̄; miī mma i baɛ bah.” (Aisaia 1:15) Mɛ lo a le ba kiiya sa ‘gbaaloo’ Bari, ebee wa gbaɛ̄tɔ̄loo sɔ̄ ba ye yere kara nɛ.—Isaiah 1:18.