Neneyo ame dabu ghwoghwo ‘iyẹnrẹn esiri’ na harẹn ‘agbamwa rhẹ uvwiẹ rhẹ edjadjẹ rhẹ ihworho ephian,’ ame ne fomu ẹbe uvuẹn edjadjẹ ro te 700. (Revelation 14:6) Marhẹ ame e ru sabu wian owian ọgbogbanhon ọnana? Ame e ru ọnana nyoma eyeyaya ri nẹ ekete sansan uvuẹn akpọ na rhe, ọrhẹ erhierhianrhian ri te 3,300—aye ephian Iseri Jehova.

Edjadjẹ oyibo yẹ a ya eyaya ukukaro na. Ugboma Usuon na yẹ a hẹrote owian Writing Department uvuẹn esiri ukoko na. Idipatmẹti ọnana yẹ ọ hẹrote owian eyeyaya na rẹ a ga uvuẹn esiri ukoko yanghene eghọn ukoko ezẹko. Fọkime ame i vwo eyeyaya ri nẹ ekete sansan rhe, nọ lẹrhẹ ame sabu ya urhomẹmro rẹ osekpahen oka uruemru ihworho sansan, nọ lẹrhẹ ẹbe ame merhen ihworho ephian ese.

Na ha eyaya na vwe erhierhianrhian. A rha dabu ni eyaya na fiotọre jeghwai kwerhọ ye ne, na ha ikọmputa dje yi vwe erhierhianrhian ekete akpọ na okeri te. Aye na rhian, shẹghẹ, jeghwai ni eyaya na fiotore. Aye a damoma nẹ aye sanọ ‘ẹmro ọgbagba ọrẹ urhomẹmro’ na, neneyo otọre ẹmro na uvuẹn edjadjẹ ọrẹ aye o serhọ rhẹ ọrẹ edjadje oyibo na.—Ecclesiastes 12:10.

Ikọmputa ọ lẹrhẹ owian na phẹrẹ. Ikọmputa ọ sabu ha erhirhiẹ eyeyaya-a, yanghene erhierhianrhia-an. Jọrẹn owian na ọnọ sabu phẹrẹ omamọ a rha ha ikọmputa wian. Iseri Jehova i ru emru owu re se Multilanguage Electronic Publishing System (MEPS) rọ sabu ha eyaya na phia uvuẹn edjadjẹ sansan. Ame ne fomu ẹbe na rhẹ ifoto re ha uvuien phia.

Ọrhọ tobọ rhiẹ edjadjẹ ibiẹ otu ihworho a djẹ, mesoriẹ ame e fi omẹdamo ọnana rhọ ye? Fọkime, ọnana ọhọre i Jehova taghene ‘aruo ihworho ephian i vwo usimi jeghwai vwo irherhe ọgbagba ọrẹ urhomẹmro na.’—1 Timothy 2:3, 4.

• Ewian ego ye ruẹ ọke ra ya ẹbe ame?

• Mesoriẹ ame a rhian ẹbe ame riẹ edjadjẹ buebun?