UYONO 16
Me Yẹ Owian Idibo Owian?
Myanmar
Ẹmro uvuẹn Uyono
Ẹko ihworho re riẹ aghwoghwo
Ẹro-ete i Kingdom Hall
Baibol na o dje kpahen ẹko ehworhare Ilelikristi eva ra hẹrote ewian uvuẹn ukoko na—‘ekpako rhẹ idibo owian.’ (Philippians 1:1) A mẹrẹn ekpako rhẹ idibo owian rẹ a ga uvuẹn ukoko owuowu. Owian ọgo yẹ idibo owian a wian fọkiẹ erhumu ọwan?
Aye a ha userhumu harẹn ekpako ukoko na. Idibo owian na i vwo omamọ onyerẹnkugbe rhẹ i Jehova, ihworho rẹ a hẹrosua, re mwu ẹro rhẹ owian, ezẹko iphuphẹn, erọrọ imirẹghwa. Aye a hẹrote ewian eghoghanren ri sekpahen ukoko na. Ọnana nọ lẹrhẹ ekpako na tẹnrọvi owian uyono rhẹ ẹro-ete uvuẹn ukoko na.
Aye a wian owian sansan. A yẹ idibo owian ezẹko owian atẹndanti, nẹ aye dede ihworho ri rhiẹ uyono. Ezẹko a hẹrote ikpekporo, ezẹko aghalẹ ẹbe, ezẹko a hẹrote ekiri igho ukoko na, ezẹko e dje ekete ene riẹ aghwoghwo harẹn imizu ukoko na. Aye a je hẹrote Kingdom Hall na. Ekpako a sabu dje aye ya ha userhumu harẹn erẹ i ho ne. Kowian kowian a harẹn idibo owian rẹ aye a wian nẹ ẹhẹn aye sa na, nọ lẹrhẹ imizu ukoko na mwu ọghọ harẹn aye.—1 Timothy 3:13.
Aye e dje omamọ udje jerẹ ehworhare Ilelikristi. Fọkiẹ omamọ uruemru Olelikristi rẹ aye i vwori, ọ yẹ a ha aye mwu rhẹ idibo owian. Ọke rẹ aye a ha ẹmro phia uvuẹn iyono, aye na bọn esegburhomẹmro ọwan gbanhanrhọ. Nyoma omamọ udje aye uvuẹn owian aghwoghwo na, nẹ aye a sabu yẹ ame userhumu vwo oruru. Fọkime aye a dabu wian lele ekpako na, aye ne toro ba omamerhomẹ rhẹ okugbe ukoko na. (Ephesians 4:16) O jiribẹn, aye ne mwuovwan rẹ aye ena ga jerẹ ekpako.
-
Aruo ehworhare ego yẹ idibo owian?
-
Marhẹ idibo owian a yẹ ukoko na userhumu dabu nya riẹ obaro lele?