Ẹzẹkoko ọrẹ Oghọn 2
Mesoriẹ i Jehova ọ ha ukude ghwọghọ akpọ na ọke ahwanren? Ẹgbukpe buebun ri nyavrẹn na, Echu nọ kparehaso i Jehova. Ihworho ezẹko jerẹ Adam, Eve, ọrhẹ Cain ro rhiẹ ọmọ aye, ni djẹ odjẹ aye ine ruẹ obiobiomu. Ihworho erọrọ jerẹ Abel, ọrhẹ Noah ni djẹ odjẹ aye ine ruẹ orhorhomu. Ihworho ni me biomu te erhirhiẹ i Jehova ọ ghwọghọ akpọ ọkon ọrana. Oghọn ọnana ọnọ ha userhumu rẹn ọwan yono taghene i Jehova ọ mẹrẹn odjẹ rẹ ọwan a djẹ, ọye ọ vwọ samọ ha uphẹn rẹn obiobiomu no fi orhorhomu kparobọ-ọ.
IN THIS SECTION
UYONO 3
Adam Ọrhẹ Eve a Huvwele Osolobrugwẹ-ẹ
Me yẹ emru oghẹnrensan kpahen orhan owu rọ ha uvuẹn ogba na? Mesoriẹ Eve ọ riẹ omamọ na?
UYONO 4
O kpe Ohworho Fọkiẹ Ekwẹre
Osolobrugwẹ o rhiabọ dede izobo Abel, ọrẹn o rhiabọ dede izobo i Cain o zeri-i. Ọke i Cain ọ mẹrẹn ọnana vwrurhe, nọ tuekwẹre gbagbanhon jeghwai ru oborẹ ọsọre.
UYONO 5
Owọ i Noah
Ọke emakashe a rhiẹ otọrakpọ na ma rọnmọ emẹse, emẹse na ni vwiẹ eduaran ri rhiẹ ilogbozighi. Ozighi nọ vuọn ekete ephian. Ọrẹn, Noah ọ vẹnẹrẹn nime ọ huvwele Osolobrugwẹ.
UYONO 6
Ihworho Ẹrẹnren yi Simirhọ ọke Ukude na
Oso na nọ rhọre ẹdọke 40 ọrhẹ ason 40. Noah ọrhẹ ekrun ọnẹyen i rhirhiẹ owọ na ghwẹ ẹgbukpe owu. Ọke oru, Jehova nọ tare taghene aye ina sabu ruẹ otafe.
