Bọmọke wu na ki tuẹn uyono na rhọ

1. 1. Dabu mwuegbe. Uvwrọke ọnana, roro kpahen edamẹ, erhirhiẹ, ọrhẹ imwẹro ohworho we yono na. Damoma roro kpahen ihwẹnmro ri na ha userhumu riẹn vwẹruọ oborẹ we yonie, ji haye ruiruo. Roro kpahen oborẹ ekwakwa ri ha uvuẹn oghọn na “Guọlọ Iyẹnrẹn Erọrọ” ine ru ha userhumu riẹn, ji mwuegbe wu na haye ruiruo uvwrọke wa ha uyono na phia.

Uvwrọke wa ha uyono na phia

1. 2. Ha ẹrhomo tuẹn uyono na rhọ jeghwai fuien, jokpanẹ ohworho wa ha i Baibol yono na ọ guọliẹ-ẹ.

2. 3. Wu vwa tẹmro bun pha-an. Tẹnrovi ọbe wa ha ruẹ uyono na, ne wu ji ha uphẹn rẹn ohworho we yono na, nọ ta oborẹ ọ ha uvuẹn ẹhẹn yen.

3. 4. Wa rha guọlọ tuẹn oghọn ọkpokpọ rhọ, se ẹmro ẹzẹkoko na, ji hunute irhomu-ẹmro ezẹko ri ha uvuẹn oghọn ọrana.

4. 5. Wu rhe yono urhomu-ẹmro rọ kẹta uvuẹn oghọn owuowu hin, ha ẹmro ẹzẹkoko rọ ha oghọn ọrana sa ohworho we yono erhumu, nọ karorhọ irhomẹmro ro yono ne.

5.  6. Uvuẹn uyono owuowu:

   1. Se udjoghwẹ na.

   2. Se ekete i Baibol ephian ra tare taghene “Se.”

   3. Wu rha guọlọ, wu na sabu se ekete i Baibol erọrọ ra rionbọrhọ.

   4. Kporo ividio ephian ra tare taghene “Kporo” (wu rhe vwo yi).

   5. Nọ ohworho we yono na enọ ephian ri homaphia.

   6. Dje ifoto ri ha uvuẹn oghọn na “Yono Kodo Rhọ” riẹn, ne wu ta riẹn no dje kpahen ifoto na.

   7. Ha ekpeti na “Oborẹ Wu Guọlọ Ru” sa ohworho we yono erhumu rhe oborẹ o ruriaro te ne. Wu na sabu ta riẹn no bru ẹkẹ rọ ha avwaye ọrhẹ ẹkẹ erọrọ te oma, yanghene no ruẹ owu ọvo usuẹn aye.

   8. Nọ ohworho we yono na sẹ o vwo urhomu-ẹmro yanghene ividio owu uvuẹn oghọn na “Guọlọ Iyẹnrẹn Erọrọ” rọ merhenriẹn oma omamọ, ọke ro mwuegbe rhẹ oghọn ọrana.

   9. Damoma yono urhomu-ẹmro owu hin uvuẹn uyono owuowu.

Uyono na orho fuen ne

1. 7. Rhe roro kpahen ohworho we yono na. Rẹ i Jehova nọ ha ebrurhọ rhẹ eruriaro ọnẹyen, nọ jeghwai yọ ẹghwanren ne wu sabu rhe oborẹ wu na sa ye erhumu lele.