RE RUẸ IDIBO
UYONO 10
Vwo Omwemẹ
Uruemru-urhi: “Ame i brorhiẹn rẹ ame ina ta rẹn are kpahen iyẹnrẹn esiri ọrẹ Osolobrugwẹ jeghwai tiobọnu arhọ ame rẹn are, fọkime ame i me vwo ẹguọlọ kpahen are omamọ ne.”—1 Thess. 2:8.
Oborẹ i Jesu o Ruru
1. Ni IVIDIO na, yanghene se John 3:1, 2. Orho ru, gbe roro kpahen enọ enana:
-
Mesoriẹ we roro taghene Nicodemus o bru i Jesu nya uvuẹn ason?—Se John 12:42, 43.
-
Ra mẹriẹn taghene ason yi Jesu ọ vwoma rhẹ i Nicodemus na, marhẹ ọnana o ru djephia taghene o vwo omwemẹ ro no ruẹ idibo?
Me ya na Sabu Yono Mie i Jesu?
2. Erhe vwo omwemẹ ra na ha userhumu rẹn ihworho rhiẹ idibo, ne djephia taghene e vwo ẹguọlọ kpahen aye.
Hẹrokele i Jesu
3. Are i yono uvuẹn ekete ọrhẹ ọke ro serhọ rẹn ohworho wa ha i Baibol yono. Ọnọ sabu sanọ ẹdẹ owu uvuẹn ọkprughwre na, yanghene ọke owu kirighwo uvuẹn ẹdẹ na. Bọgo yọ nọ mai serhọ riẹn, ekete iruo yi, oghwa ye, gbinẹ ekete ọrọrọ? Damoma kwaphiẹ ọke ọnọ rhọ, neneyo wu sabu lelie yono uvuẹn ọke ọrhẹ ekete ro serhọ riẹn.
4. Rhe yonie ọke ephian. Orhianẹ wu vwo uphẹn uvuẹn ọke are i brurhọ-ọ, wu vwa fọkiẹ ọrana dobọ uyono ọkprughwre na ji-i. Ukpomaran, nọ oma:
5. Rẹ i Jehova nọ yọ uruemru ro serhọ. Nekpẹn userhumu mie i Jehova nọ yọ omwemẹ wu na ha uyono na phia, ọrhọ tobọ rhianẹ ohworho na o vwo yono ọke ephia-an, yanghene ọ bẹn rọ ha uruemru-urhi Baibol ruiruo. (Phil. 2:13) O fiotọre taghene ohworho na o vwo omamọ uruemru buebun; omarana, rẹ i Jehova nọ ha userhumu wẹn tẹnrovi aye.
