ẸRHARHUMU BRU
UYONO 8
Vwo Erhionrin
Uruemru-urhi: “Ẹguọlọ o vwo erhionrin.”—1 Cor. 13:4.
Oborẹ i Jesu o Ruru
1. Ni IVIDIO na, yanghene se John 7:3-5 ọrhẹ 1 Corinthians 15:3, 4, 7. Orho ru, gbe roro kpahen enọ enana:
Me ya na Sabu Yono Mie i Jesu?
2. O fori ne vwo erhionrin, nime ihworho ezẹko e kiki kpahanrhọ aghwoghwo na, ọrẹn ezẹko a ha ọke.
Hẹrokele i Jesu
3. Damẹ ona ọrọrọ. Ohworho na orho rhiabọ dede uyono i Baibol ogege-e, wu vwa gba ye-e. Uvuẹn ọke ro serhọ, ha ividio ọrhẹ irhomu-ẹmro erọrọ sa ye erhumu vwẹruọ oborẹ uyono i Baibol ọ havwọ, ọrhẹ oborẹ ono ru mẹrẹn erere nie rhe.
4. Wu vwa ha owuọwan vwanvwọn ọwọrọ-ọ. Ihworho ephian i vẹnẹren. Orhianẹ ohworho ekrun yanghene ẹrharhumu bru ọnọ, ọ guọlọ rhiabọ dede uyono i Baibol yanghene kwerhọ urhomẹmro i Baibol na-a, damoma guọlọ oborẹ ọsoriẹ o rhiẹ omaran. O vwo imwẹro ọgbogbanhon kpahen uyono ẹga owuorowu? Ọ dẹrughwaroghwẹ ọhiẹn nẹ abọ ihworho ekrun ọnẹyen yanghene ere rhirhiẹ kẹriẹ? Yẹ ye ọke no roro kpahen oborẹ wu ta riẹn ne, nọ ji sabu vwo ọdaremẹro kpahen oborẹ i Baibol na ọ tare.
5. Nẹrhomo rẹn ohworho na. Rẹ i Jehova nọ ha userhumu wẹn vwo ifiẹrorhọ ọrhẹ ẹghwanren. Rẹ i Jehova nọ ha userhumu wẹn rhe, sẹ wu ne ji rhe bru ohworho nya, yanghene wu na dobọji.—1 Cor. 9:26.
