Me yọ nọ yẹ Ekrun Enyerẹn Omamerhomẹ?
Wu rorori taghene . . .
-
ẹguọlọ?
-
igho?
-
gbinẹ emru ọrọrọ?
OBORẸ I BAIBOL NA Ọ TARE
“Omamerhomẹ ọ havwiẹ rẹn ihworho re rhon Ẹmro Osolobrugwẹ, ra jeghwai nyalelie!”—Luke 11:28, New World Translation.
OBORẸ ỌRANA ỌNỌ SABU MEVIRHỌ WẸN
Obọdẹn Ẹguọlọ.—Ephesians 5:28, 29.
Ana họghọ rẹn omomọwan. —Ephesians 5:33.
Ene vwo ẹhẹn ro totọre.—Mark 10:6-9.
ỌWAN INE GHINI SABU KWERHỌ OBORẸ I BAIBOL NA Ọ TARE?
Ee, orho riotọre, fọkiẹ iroro eva:
-
Osolobrugwẹ yọ Tuẹn enyerẹn ekrun rhọ. Baibol na ọ tare taghene i Jehova Osolobrugwẹ ‘yo vwo ọsoso ekrun.’ (Ephesians 3:14, 15) Nọyẹ ẹkwaphiẹrhotọre ekrun na ọ havwiẹ, fọkime Jehova yo hariẹ mwu. Mesoriẹ ọrana o rhiẹ oborẹ ọghanranren?
Gba haye omana: Wa rha riẹ emaren rọ merhenren, wu rha guọlọ rhe oborẹ a ha sere emaren na, ọrọmo ye wu na nọ? Itiọrurhomẹmro, ọro sere emaren na ye wu na nọ.
Omaran ọ ji havwọ, na sabu rhe oborẹ ọnọ lẹrhẹ oma merhen ekrun ọwan, o fori na nọ i Jehova rọ Tuẹn ẹkwaphiẹrhotọre ekrun rhọ.—Genesis 2:18-24.
-
Osolobrugwẹ o vwo ọdamẹ kpahuọn. Orhiẹ emru ẹghwanren nẹ ekrun ephian i ha urhebro i Jehova ọ haphia nyoma Ẹmro ọnẹyen. Mesoriẹ? ‘Fọkime, ọye o vwo ọdamẹ kpahuọn.’ (1 Peter 5:6, 7) Jehova o rhe oborẹ ọ mai rhomu wẹn. Urhebro yi ọ wian ọke ephian!—Proverbs 3:5, 6; Isaiah 48:17, 18.
GBE RORO KPAHEN ỌNANA
Marhẹ wu ne ru rhiẹ omamọ esa, ane, ọsẹ yanghene izu?
Baibol na ọ kpahenrhọ onọ na uvuẹn EPHESIANS 5:1, 2 ọrhẹ COLOSSIANS 3:18-21.