UYONO 10
Uvwele ro Serhọ
Proverbs 8:4, 7
OBORẸ ENE RUO: Dabu yono aye izede ro serhọ jeghwai ghwa oruru rhẹ aye oma nyoma wu na dabu tẹmro izede rọ vwọ phẹrẹ phan jeghwai ha uvwele ẹmro ro serhọ, ro vwo ji rierun phan ruiruo.
OBORẸ ENE RUIE LELE:
-
Ha uvwele ro serhọ ruiruo. Ha uvwele ro rierun ruiruo ọke wa guọlọ tẹmro kpahen ihwẹnmro eghoghanren. Wu na ji sabu ruẹ ọnana we rhe se ekete i Baibol ri sekpahen ẹzenguon. Ha uvwele ro riotọre ruiruo ọke wa rha guọlọ bọn imwẹro aye gbanhan yanghene ọkẹ wa ta kpahen erhirhiẹ ri mwofẹn ọrhẹ erhirhiẹ ọfiamu.
-
Wene uvwele ẹmro ọnọ. Orho serhọ uvuẹn edjadjẹ ọnọ, wu na sabu ha uvwele rierun ọke wa rha guọlọ ta kpahen ekwakwa omamerhomẹ yanghene ọke wa rha guọlọ dje kpahen ekwakwa ri doro omamọ. Wu na sabu ha uvwele riotọre ọke wa rha guọlọ ta kpahen erhirhiẹ ọfiamu yanghene omemwurhọ.
-
Wu vwa tẹmro phẹrẹ yanghene sun pha-an. Tẹmro phẹphẹrẹ ọke wa rha ta kpahen emru aghọghọ. Tẹmro bibiesuọn ọke wa rha ta kpahen ihwẹnmro eghoghanren.
