Wọ oborẹ wu na ta rhẹ ẹhẹn. Ni ẹmro na so sẹ o fori ne wu haye yono otu na, lẹrhẹ imwẹro aye gbanhon, yanghene lẹrhẹ aye kpare idjaghwẹ, orho ru gba ha iroro enana mwuegbe. Damoma neneyo ọsoso ihwẹnmro na ọ ha userhumu wẹn tẹmro na mwidjẹn.

Kanrunumwu urhomu-ẹmro ọrẹ ẹmro na. Rha hunute urhomu-ẹmro ọrẹ ẹmro na nyoma wu na rharhumu ta ẹmro kirighwo ri ha uvuien yanghene nyoma wu na ha ẹmro ri surhobọmwuie ruiruo.

Ruẹ ihwẹnmro na lọhọ jeghwai fiotọre. Sanọ ihwẹnmro ri surhobọmwu ẹmro na re wu na ji sabu haphia uvwre ọke re bru wẹn na. Bru ihwẹnmro wa ha ruiruo kpẹtẹ, dabu dje ihwẹnmro owuowu fiotọre, domaji ibiesuọn wa rha tẹmro kpahen aye, jeghwai surhu ọsoso ihwẹnmro na mwu owuowọnwan.