Ha userhumu rẹn otu na ni oma aye so. Nọ enọ ri na ha userhumu rẹn otu na roro kpahen iroro aye.

Ha userhumu rẹn otu na vwo iroro ro serhọ. Ha urhebro rẹn otu na, nẹ aye i dabu ni oborẹ o mwu aye ruẹ omamọ ewian. Ha userhumu rẹn aye brorhiẹn re aye ine ruẹ oborẹ ọ mai serhọ, nọyẹ ẹguọlọ kpahen i Jehova, ituakpọ, ọrhẹ iyono i Baibol. Lele otu na roro kugbe; wu vwe jurhi rẹn aye-e. Ukperẹ wu na lẹrhẹ ofa ruẹ aye, ha userhumu rẹn aye mẹrẹn urhebro uvuẹn obẹta ẹmro na.

Kpọ ẹhẹn aye vi vwe i Jehova. Hunute oborẹ iyono i Baibol, iruemru-urhi, ọrhẹ irhi sansan e ru dje iruemru ọrhẹ ẹguọlọ Osolobrugwẹ phia rẹn ọwan. Ha userhumu rẹn otu na vwo ojemẹ rẹ aye ine yono kpahen oborẹ i Jehova o roro ọrhẹ oborẹ aye ine ru sabu ruẹ oborẹ ọnọ merhiẹn evwan.