Jomarhotọre mwuegbe jeghwai nẹrhomo. Nẹrhomo vwe i Jehova nọ ha userhumu wẹn tẹnrovi urhomu we ghwoghwo na ukperẹ ono rhiẹ oma ọnọ. Fiẹ ihwẹnmro wu na ta kpahen na rhẹ ẹhẹn. Tẹmro na lele izede ikuegbe, ukperẹ wu ne se kẹmro kẹmro rọ homaphia uvuẹn ọbe ẹmro na.

Tẹmro nẹ uvuẹn ọmudu ọnọ. Roro kpahen oborẹ ọsoriẹ otu na a guọlọ kerhọ urhomu na. Tẹnrovi ihworho na. Wu rhe ru ọnana, oborẹ wu mevi lele, ughwaruọ, ọrhẹ oborẹ wa ha abọ ruiruo lele, no no djephia taghene wu rhe ọdamẹ aye.

Ni otu na. Rha kpare ughwaro ni otu na ọke ro serhọ. Wa rha ha ẹmro phia, o fori ne wu ni owọnwan ọvo uvwre ọke, ukperẹ wu ne ni yanghene tẹnrovi ọsoso ihworho uvuẹn otu na.