UYONO 7
Me Yẹ Uvie Osolobrugwẹ?
1. Me yẹ Uvie Osolobrugwẹ?
Mesoriẹ i Jesu ofo Orodje?—MARK 1:40-42.
Uvie Osolobrugwẹ ọ yẹ usuon rọ ha obẹ odjuwu. Ọnọ ghwọghọ isuesun ri ha uvuẹn akpọ na ephian, nẹ ono ji ru ọhọre Osolobrugwẹ obẹ odjuwu kugbe otọrakpọ na. Iyẹnrẹn ọnana kpahen Uvie Osolobrugwẹ na orhomurun. Phẹrẹkpẹ, Uvie Osolobrugwẹ na ọnọ ha omamọ isuesun ituakpọ e guọlọre rẹn aye. Ono ku ihworho ephian kugbe uvuẹn otọrakpọ na.—Se Daniel 2:44; Matthew 6:9, 10; 24:14.
Uvie ovwo orodje. Jehova yẹ ọ ha Ọmọ yen Jesu Kristi mwu, no rhiẹ Orodje ọrẹ Uvie Ọnẹyen.—Se Revelation 11:15.
Ni Ividio na Me Yẹ Uvie Osolobrugwẹ?
2. Mesoriẹ i Jesu o fo Orodje?
Ọmọ Osolobrugwẹ ọ fo Orodje nime ọye ohworho esiri, o ji ru oborẹ ọgbarẹ ọke ephian. (John 1:14) Habaye, o ji vwo omẹgbanhon ọnọ sa ihworho erhumu, nime ọye ono sun nẹ odjuwu rhiẹ otọrakpọ na. Ọke rẹ a rhọmiẹ nẹ uhwu rhe, no rie odjuwu ye siyẹ obọrhe i Jehova. (Hebrews 10:12, 13) Obẹtaye, Osolobrugwẹ nọ ha omẹgbanhon usun na riẹn.—Se Daniel 7:13, 14.
3. Ayọmo yẹ ine lele i Jesu sun?
Ẹko ihworho re seri ‘eri foron na’ yi ne lele i Jesu sun. (Daniel 7:27) Inyikọ i Jesu ri vwo esegburhomẹmro, yẹ ihworho efuanfon erẹ ukukaro re kiki sanọ. Nẹ ọke ọrana rhe, Jehova ọ sanọ ehworhare rhẹ emẹse ri vwo esegburhomẹmro kpahiẹn jerẹ ihworho efuanfon. Jerẹ i Jesu, a rhọme rẹ aye rhẹ ugboma ẹhẹn.—Se John 14:1-3; 1 Corinthians 15:42-44.
Luke 12:32) Uchiunu aye 144,000. Aye rhẹ i Jesu inẹ sun akpọ na.—Se Revelation 14:1.
Awan mwan yi ne riẹ odjuwu? Jesu o se rẹ aye ‘igegede krẹn.’ (4. Me yẹ ọ phiare ọke rẹ i Jesu ọ ton usun rhọ?
Uvie Osolobrugwẹ ọton e suon rhọ uvuẹn ẹgbukpe 1914. * Emru ukukaro i Jesu o ruru yẹ ọ ye o doron Echu rhẹ ikpodje yi rhiẹ otọrakpọ na. Uvuẹn akpọ na ephian Echu ọ suẹ okpetu harẹn ituakpọ, nime, evwan ebiomie gbangbanhon. (Revelation 12:7-10, 12) Nẹ ọke ọrana rhe, ukpokpoma rhẹ ebẹnbẹn ituakpọ ni bunrhọ bunrhọ. Ivweri, erhọmo, emiamo rhẹ otọre ekpogho, aye ‘oka’ odje rie phia taghene Uvie na ọ sa mọ sun akpọ na phẹrẹkpẹ.—Se Luke 21:7, 10, 11, 31.
5. Me yẹ Uvie Osolobrugwẹ o ruẹ ọke ọnana?
Nyoma aghwoghwo Uvie na, Uvie Osolobrugwẹ o koko otu gbidigbidi ihworho nẹ egbamwa na ephian. Iduduru ihworho dẹndẹn a rhiẹ otọre usun i Jesu. Uvie Osolobrugwẹ ono simi aye ọke rẹ ọnọ ghwọghọ ihworho e ru ọdandan. Omaran na, ihworho re guọlọ mẹrẹn erere nẹ Uvie Osolobrugwẹ rhe, no fori nẹ aye yono oborẹ aye ine ru sabu kerhọ i Jesu.—Se Revelation 7:9, 14, 16, 17.
Uvuẹn ẹgbukpe 1,000, Uvie na ọ sa mọ ru ọhọrẹ Osolobrugwẹ o vwori nẹ otọre rhe kpahen ituakpọ. Akpọ na ephian ono rhirhiẹ paradais. Obẹtaye, Jesu nọ sa mọ ha Uvie na rẹn Ọse ye. (1 Corinthians 15:24-26) Wu rhe ohworho wu na sabu ta riẹn kpahen Uvie Osolobrugwẹ?—Se Psalm 37:10, 11, 29.
^ Udjoghwẹmro 6 Wu rha guọlọ rhe rhọ kpahen oborẹ i Baibol ọ ta kpahen ẹgbukpe 1914, gbe se aro-ọbe 215-218 uvuẹn ọbe Me yi Baibol na Ọnọ Sabu Yono Ọwan?