OBỌRẸ 4
Aye Hẹ Ẹmro Echu —Me Ọyẹ Onẹ Erhumuie Rhe?
Adam rhẹ Iv a hẹ ẹmro Osolobrugwẹ-ẹ, fọkiẹ ọrana, nẹ aye ihwuru. Jẹnẹsis 3:6, 23
Iv nọ hẹ ẹmro obodinrin na, nọ riẹ omamọ na. Ro ru, nọ yẹ Adam, ọye nọ je riẹ.
Oborẹ aye iruru na ọsọre. Ọrana ọdandan. Osolobrugwẹ no le raye nẹ ogba i Paradaisi na.
Aye rhẹ emọ aye ni nyerẹn akpọ ọgbogbanhon. Aye ni nyerẹn ho, nẹ aye ihwuru. Aye eriẹ ekete rẹ avwa mẹrẹ-ẹn. Aye ivwe rhe nyerẹn ghwomara-an.
Erẹ ihwu ne erhe vwẹ arhọ-ọ, jerẹn eyẹn. Jẹnẹsis 3:19
Ọwan ehwuẹ ni me ọwan emọ Adam rhẹ Iv. Erẹ ihwuru evwa sabu mẹrẹn ude-e, i vwe rhẹn ẹmro-o, yanghinẹ ovwẹ emru owuorowu rẹ aye a sabu ruẹ-ẹ.—Ọgwuvwiẹ 9:5, 10.
Jehova ọguọlọ nẹ ihworho ihwu-u. Phẹrẹkpẹ vwaran, ọ sa mọ rhọmẹ ihworho ri hwuru rhiẹ akpọ. Aye erha hẹ ẹmro enẹye, aye ni ne nyerẹn bẹmẹdẹ.