OBỌRẸ 3
Marhẹ Akpọ-enyerẹn Uvuẹn i Paradais Ọ Havwọ?
Jehova ọyẹ Adam rhẹ Iv ekwakwa irhorhomu buebun. Jẹnẹsis 1:28
Jehova ọ mẹ ọmasẹ ọrẹ ukaro Iv, nọ hariẹ rẹn Adam no rhiẹ aniẹ.—Jẹnẹsis 2:21, 22.
Rẹ i Jehova ọ ma aye, nọ yẹ raye oghwa-iroro rhẹ ugboma obọdẹn.
Ogba Idẹn i Paradais na, ọyẹ oghwa aye. Ọran ekete rhorhomu dẹn ro vwẹ urhie habẹ erhan ra mẹ-emamọ kugbẹ eramo.
Jehova ọ tẹmro raye. O yoni raye. Aye erha kerhọ ye, aye ni ne nyerien bẹmẹdẹ uvuẹn i Paradais otọrakpọ na.
Osolobrugwẹ ọ ta raye taghene aye evwa riẹ emamọ orhan owu-u. Jẹnẹsis 2:16, 17
Jehova odjẹ orhan owu rọ mẹ-emamọ rẹn Adam rhẹ Iv, nọ ta harẹn aye taghenẹ aye rha riẹ omamọ orhan na, aye ine hwuo.
Owu usuẹn emakashe na nọ kpare hasuẹ Osolobrugwẹ. Ọvwọkon amakashe na ọyẹ Echu, Idẹbolo na.
Echu ọguọlọ taghene Adam rhẹ Iv e hẹ uvwele i Jehova-a. Fọkiẹ ọrana, nọ hẹ obodinrin tẹ ẹmro rẹn Iv taghenẹ ọrhọ riẹ omamọ orhan na, o hwuẹ-ẹ, ọnọ họhẹ Osolobrugwẹ. Ọrẹn ọrana ofian—Jẹnẹsis 3:1-5.
You May Also Like
ESSENTIAL BIBLE TEACHINGS
Mesoriẹ Osolobrugwẹ ọ Ma Akpọ Na?
Akpọ na ọ vuọren rhẹ ekwakwa irhorhomu. A mariẹn rhẹ ekete ro serhọ ro serabọ rẹn uvo na, ọ ha ekete rọ dabu serhọ, ọ jeghwai zuẹ kinhariẹ izede ro serhọ. Mesoriẹ Osolobrugwẹ ọ dabu ma akpọ na izede ro serhọ?
