OBỌRẸ 7
Ọrọmo Ọyẹ i Jesu?
Jehova ọyẹ odjẹ i Jesu rhiẹ akpọ na. 1 Jọn 4:9
Ọwan erha guọlọ nẹ evwan ọwan i merhẹn i Jehova, ovwẹ ọwọrọ ghanghanren rẹ ọwan ine ji rhẹn ẹmro enẹye. Ọke jijiri rọ vrẹnren ake rhe mọ mẹ Adam, Jehova nọ mẹ ohworho ẹhẹn rọ doro rhẹ obẹ odjuwu.
Ọke ro jiri bẹn, Jehova no rurie nẹ ọgbọtọ ovwo ji kiẹ-ọghọ rẹ odẹ ye orhiẹ i Meri no vwiẹ ye uvuẹn Bẹtlẹhẹm. Esẹ odẹ ọmọ na i Jesu.—Jọn 6:38.
Jerẹn onyakpọ, Jesu odjẹ iruemru Osolobrugwẹ phia dẹn. Ọye ohworho esiri rhẹ ẹguọlọ, rọ hẹ ihworho tẹ oma. Orho yono ihworho urhomẹmro kpahẹn i Jehova, ofẹn ovwo mwuie-e.
Jesu oruẹ orhorhomu. Uvuien na, eji vwẹ utuoma kpahiẹn. 1 Pita 2:21-24
Jesu oji simẹ otu re kpomẹ, ọ tobọ je rhọmẹ otu ezẹko ri hwuru.
Jesu otuẹn ilori ẹga na oma, fikiẹ iyono efian rhẹ irueruo evwiavwia aye rọ ta phia.
Ilori ẹga na ne riẹriẹ ituẹ i Rom fẹ i Jesu jeghwai gwiẹ ye, aye ikirhe kpe yi.
