Adam rhẹ Iv i vwiẹ emọ. Ihworho ni rhi me buon uvuẹn akpọ na. Rẹ ọke ọnyarhẹn, emakashe ezẹko ni kuomakugbe echu kpare hasuẹ Osolobrugwẹ.

Aye ne rhiẹ akpọ dẹriẹ oma rhẹ ituakpọ, nẹ aye sabu rọnmẹ emẹse. Emẹse na ni vwiẹ emọ re do ghwẹ ituakpọ kpekpa. Aye emwofẹn rhẹ omẹgbanhon.

Akpọ na nọ rhe mọ vuọn rhẹ ihworho re ruẹ ekwakwa ibiobiomu. I Baibol na ọrhọ ta: “Ubiobiomu ituakpọ nọ rhe mọ vuẹn akpọ na, orharherẹ emru ọvo nọ ye aye e roro uvuẹn ẹhẹn ọke na ephian.”

Nua omamẹ ohworho. Jehova ọ ta harẹn i Nua taghene ọye o sa mọ hẹ ukude ghwọghọ evwọkon.

Osolobrugwẹ ọje ta harẹn i Nua nẹ ọkarẹn owọ ọduado nọ hẹ uvwiẹ-oghwa ye rhẹ ẹruẹ eramo na ephian ruẹ uvuẹn owọ na.

Nua o ti raye orhọ kpahẹn ukude na, orẹn aye a kerhọ ye-e. Ezẹkọ a chẹẹ i Nua. Otu erọrọ i vwẹ utuoma kpahiẹn.

Ọke rọ karẹn owọ na hin, Nua nọ hẹ eramo na ruẹ uvuẹn owọ na.