UYONO 04
Ọrọmo yẹ Osolobrugwẹ?
O jiri ne rẹ ituakpọ a ha ẹga rẹn isolobrugwẹ ehworhare ọrhẹ emẹse. Ọrẹn, Baibol na ọ ta kpahen Osolobrugwẹ owu rọ “do ghwẹ isolobrugwẹ erọrọ.” (2 Chronicles 2:5) Ọrana ọrọmo? Marhẹ o ru do ghwẹ ọsoso isolobrugwẹ erọrọ rẹ ihworho a ha ẹga riẹn? Uvuẹn uyono ọnana, wu ne yono oborẹ Osolobrugwẹ ọ guọlọre wu rhe kpahiẹn.
1. Me yẹ odẹ Osolobrugwẹ, marhẹ o ru mwu ọwan ẹro taghene ọ guọlọre ne rhe yi?
Uvuẹn i Baibol na, Osolobrugwẹ o dje omayen harẹn ọwan. Nọ tare: “Mẹmẹ yi Jehova. Ọrana yẹ odẹ mẹ.” (Se Isaiah 42:5, 8.) Odẹ na “Jehova” o nẹ erhianrhian i Hebrew rhe, ro mevirhọ “Ọrọ Lẹrhẹ Ekwakwa Phia.” Jehova ọ guọlọre ne rhe odẹ ye. (Exodus 3:15) Marhẹ ọrana o ru mwu ọwan ẹro? Odẹ ye ọ homaphia uvuẹn i Baibol na uvuẹn ekete ri vrẹn 7,000! a “Osolobrugwẹ urhomẹmro ọrẹ idjuwu ọrhẹ otọrakpọ na,” yo vwo odẹ na Jehova.—Deuteronomy 4:39.
2. Me yi Baibol na ọ ta rẹn ọwan kpahen i Jehova?
Baibol na ọ tare taghene usuẹn isolobrugwẹ rẹ ituakpọ a ha ẹga riẹn, Jehova ọvo yẹ Osolobrugwẹ urhomẹmro na. Mesoriẹ? Ovwo iroro buebun. Jehova yọ mai vwo omẹgbanhon, ọye ọvo yẹ “Ọrọ Mai Rierun ọsoso akpọ na ephian.” (Se Psalm 83:18.) Ọye yẹ “Ọrọmaigbanhon,” ro mevirhọ taghene o vwo omẹgbanhon ro no ru i kemru kemru rọ guọlọre. Ọye yọ “ma ekwakwa ephian,” idjuwu na ọrhẹ ọsoso otọrakpọ na. (Revelation 4:8, 11) Ovwo ọwọrọ rọ họhọ i Jehova-a, fọkime o vwo ọtonrhọ-ọ, o nyerẹn bẹmẹdẹ.—Psalm 90:2.
YONO KODO RHỌ
Yono kpahen ovẹnẹ rọ ha uvwre edevan Osolobrugwẹ ọrhẹ odẹ oghẹnrensan ọnẹyen. Orho ru, ene ji yono kpahen oborẹ ọsoriẹ ọrhẹ oborẹ o ru dje odẹ ye wẹn.
3. Osolobrugwẹ ovwo edevan buebun, ọrẹn odẹ owu yo vwori
Ne wu sabu rhe ovẹnẹ rọ ha uvwre odovan ọrhẹ odẹ ohworho, kporo IVIDIO na, orho ru, are i gba kpahenrhọ onọ ọnana.
-
Me yẹ ovẹnẹ rọ ha uvwre odovan na “Ọrovwori,” ọrhẹ odẹ?
Baibol na ọ tare taghene ihworho buebun a ha ẹga rẹn isolobrugwẹ ọrhẹ erivwori buebun. Se Psalm 136:1-3, orho ru, are i gba kpahenrhọ onọ ọnana:
-
Ọrọmo yẹ “Osolobrugwẹ isolobrugwẹ” ọrhẹ “Ọrovwori erivwori”?
4. Jehova ọ guọlọre ne wu rhe odẹ ye, ji ha ye ruiruo
Me yo djerie phia taghene i Jehova ọ guọlọre ne wu rhe odẹ ye? Kporo IVIDIO na, orho ru, are i gba kpahenrhọ enọ enana.
-
Jehova ọ guọlọre ne rhe odẹ ye? Me wu rorori?
Jehova ọ guọlọre na ha odẹ ye ruiruo. Se Romans 10:13, orho ru, are i gba kpahenrhọ enọ enana:
-
Marhẹ ọghanren te ra na ha odẹ Osolobrugwẹ ruiruo?
-
Marhẹ oma o ruo, ohworho ọrhọ karorhọ odẹ ọnọ ji ha ye so?
-
Marhẹ oma o ruẹ i Jehova wa rha ha odẹ ye se yi?
5. Jehova ọ guọlọre ne wu rhiẹ ugbehian yen
Ọmase owu re si Soten ro rhirhiẹ i Cambodia ọ tare taghene odẹ Osolobrugwẹ ro yonorin, ọ ha userhumu riẹn “vwo obọdẹn omamerhomẹ uvuẹn akpenyerẹn yen.” Kporo IVIDIO na, orho ru, are i gba kpahenrhọ onọ ọnana.
-
Uvuẹn ividio na, marhẹ odẹ Osolobrugwẹ ri Soten o yonorin o ru hobọte yi?
Ne wu ki rhiẹ ugbehian ohworho, we rhe odẹ ye vwẹre. Se James 4:8a, orho ru, are i gba kpahenrhọ enọ enana:
-
Use ọgo yi Jehova ọ rionbọ ye vwo?
-
Wu rhe rhe odẹ Osolobrugwẹ ji haye ruiruo, marhẹ ono ru ha userhumu wẹn tikẹriẹ rhọ?
OBORẸ IHWORHO EZẸKO A TA: “Osolobrugwẹ owu ọvo yọ havwiẹ, omarana, wu na sabu se yi odẹ ro jeruo.”
-
Wu vwo imwẹro na taghene i Jehova yẹ odẹ Osolobrugwẹ?
-
Wu na sabu dje yi fiotọre oborẹ ọsoriẹ i Jehova ọ guọlọ taghene a ha odẹ ye ruiruo?
ME WU YONORIN?
Jehova yẹ odẹ Osolobrugwẹ urhomẹmro na. Ọ guọlọre ne rhe odẹ na, ji ha ye ruiruo neneyo a sabu tikẹriẹ.
Ẹzẹkoko
-
Marhẹ i Jehova o ru vẹnẹ isolobrugwẹ erọrọ rẹ ihworho a ha ẹga riẹn?
-
Mesoriẹ o fo na ha odẹ Osolobrugwẹ ruiruo?
-
Me yo djerie phia taghene i Jehova ọ guọlọre ne wu tikẹriẹ?
GUỌLỌ IYẸNRẸN ERỌRỌ
Roro kpahen ekwakwa isionrin rọ lẹrheriẹ mwu ọwan ẹro taghene Osolobrugwẹ o nyerẹn.
Roro kpahen oborẹ ọsoriẹ o rhiẹ emru ẹghwanren re ne vwo imwẹro taghene Osolobrugwẹ o nyerẹn.
Yono oborẹ ọsoriẹ o fo na ha odẹ Osolobrugwẹ ruiruo, dedevwo a ghwai rhe oborẹ e ghini se yi lele ọke ahwanre-en.
Ọsọre arha ha odẹ ro jerẹ ọwan se Osolobrugwẹ? Se kpahen oborẹ ọsoriẹ a ta taghene o vwo odẹ owu ọvo.
“Edẹ Emwa yẹ Osolobrugwẹ o Vwori?” (Urhomu-ẹmro rọ ha uvuẹn itanẹti)
a Wu rha guọlọ iyẹnrẹn erọrọ kpahen oborẹ odẹ Osolobrugwẹ o mevirhọ, ọrhẹ oborẹ ọsoriẹ erhianrhian ezẹko e tie nẹ uvuẹn i Baibol na, riẹ Appendix A4 rọ ha uvuẹn New World Translation of the Holy Scriptures.
